多謝秋白兄深刻的看法, 佇這个事件, 寫按呢的小說段落有真特別的心情體會。嘛真歹用一二句話表達"I cannot touch you and this is the oppressor's language"內面的複雜性。確實，你講的著，我咧注意的是「界定」的概念，假使有一條線，線這爿的人討厭線另外一爿的人，怹敢知影原因？敢講會出來為啥物？

　　事實上，我並無討厭黃春明的小說，甚至，佇某一方面，我非常恰意伊早期的小說，尤其當我20年前拄接觸鄉土文學的閱讀的時，我捌為伊小說內面的活跳跳的鄉土人物笑佮哭。按呢寫是真輕鬆的，嘛是真沈重的。當界定的線是「母語」、是「語言人權」的時，伊拄拄仔好，徛佇我的對面，予我非常厭倦。這是我的問題抑是伊有問題？請毋通誤會我指責伊，對人類的善良美德來講，伊甚至真有可能是宜蘭囡仔目睭內面的一个「好人」，毋過，拄拄仔好，這个好人，佮濟濟無願支持母語佮語言人權的「好人」仝款，徛佇線的另外一爿，徛佇我的對面。毋是，伊（這個伊是黃春明，嘛毋是黃春明）根本就無想欲討厭我，無想欲討厭寫台語的人，更加無想欲打壓（愛會記，伊絕對袂認為家己是威權者），只是，拄拄仔好，我（可能是胡長松，抑是任何一個寫台語的）予伊感覺真刺目，親像天光的日光，予伊真袂慣習。伊無犯罪，只是袂慣習爾爾，伊甚至毋知欲按怎對付這个袂慣習。伊驚一趒，就親像小說內面的心雅講：「你說這是什麼意思？」佇線的彼頭，伊看我就親像按呢，嘛親像規庄仔頭咧看你引過的詩內面彼个變痟的老婦人人。咱講規庄起痟，規庄講咱毋才是起痟。彼條界定的線，予這一切變甲閣重閣輕，假若毋是真實的，假若是一個咱走袂開閣無法度結束的惡夢。我有時感覺家己想欲沉入水底，追求一个清淨的新樂園，毋過，沉落晉前，彼條線給我的肩胛頭縛咧，毋予我沉袂落去。我只好先給解開，發現彼條索仔頂懸寫「威權文化」四字，仝款給我箍起來，親像關佇一个監獄。是彼條索仔予囡仔目中的「好人」袂慣習，予伊給監獄內面的人看作該死的痟人。毋過伊毋知影彼條索仔存在，可憐，監獄內面的人知影！！

 

陳秋白 說：

比較上南部人較合意透天厝的khia-家，台北多數攏是公寓gah大樓，這種差別m-單是土地價格的問題-nia，其實這猶存在著土地觀念的問題。農民去台北抗議當然是去霧農藥，台北濟濟是吊di樹枝的蟲，蓊甲看buei著土地的蟲，無去霧霧leh，in那知影in逐工所食的攏是ui土地發出來。台北確實有buei少年紀較輕的人以為鳳梨gah土豆是生di樹頂的。

結構、氛圍gah思想的傳達差不多是形成文學作品的要素，其中氛圍是引起閱讀興趣上重要的部份。無吸引閱讀的氛圍會ho詩變做是講話，ho小說變做是講故事；無刻劃，無色感，無衝突是真無聊的。詩gah小說真無gāng的所在是小說di人物的處理上有層次性gah對比性，詩基本上也是narrative，祇是比較單純，除非是較大結構的詩劇才會像小說的處理方式來處理。長松處理小說的方式，di結構、氛圍gah思想的傳達，di近年的作品內底ho我真好的閱讀感，而且往往藉人物之間的衝突性帶出思考議題，這截〈新小說片段〉落尾的情節『我講，我毋知，只是，彼个歐巴桑戴瓜笠的面足親像我的老母的面。心雅聽我按呢講驚一趒，見笑轉受氣，講：「你說這是什麼意思？」』，ho我想起Adrienne Rich的詩〈The Burning of Paper Instead of Children〉結尾寫的字句「 I cannot touch you and this is the oppressor's language.」的暗示。其實，用壓迫者的語言gah壓迫者對話，是真厄打動壓迫者的。語言有一項足大的特色就是宣告你的存在，這di任何的場所攏會發生gāng-款的作用，di街路，di會議室，.....，甚至di家庭。

 

胡長松 說：

今晚,就用這段台語小說的文字來抗議已經幾乎不寫小說的黃春明對台語的[ 鄙相]和陳芳明的非北京話文學二頁說.....

小說家, 拔小說之劍對決何如?

 

===新小說片段===

我想起有一年五月節，我無轉去，我的老母摜一摜伊縛的肉粽，拄sa2好，燒滾位生鍋提起來，囥入彼个茭梓仔，一路坐火車摜來到北部，我猶會記伊入門徛佇門廊，肉粽摜的油汁位迦梓仔底滲出來，答答滴佇大理石的地板，心雅趕緊提布lu仔來擦的時的彼个嫌惡鄙相的眼神。伊私下講：「南部的肉粽那麼油膩，有什麼好吃的嗎？」伊講彼句話的口氣佮伊後來參加彼个秋天的紅衫嘉年華的口氣是相仝的，藏一項足深的啥物佇嚨喉底（後來我知影遐應該是叫做「鄙相」的物件）。我真驚奇一場反對總統的「抗議」竟然會是親像伊這款的白領權貴後代的化裝遊行，尤其有特別濟的伊這个歲的查某囡仔加入，甚至是親像心雅這種大公司的小主管，規群相招佇下班了後先換裝，趕過去鬥鬧熱。位電視佮網路傳出來怹精心妝扮的圖像，頭縛紅彩帶，手貼刺青，大範現肚臍佮奶溝的「辣妹」，無輸美洲大學的啦啦隊，展現絕對的自信佮歡樂（參「抗議」真無對同的詞），閣用飽水傲慢的色緻對執政者以及伊的族群造成侮辱的壓力──後來，網路甚至傳出一系列的電子廣告批，給遮「辣妹」佮執政者遐日頭下戴瓜笠的歐巴桑支持者的相片囥做對照，標題是「支持者的驚人對比！！」同時，佇對照的相片下面，攏是無客氣咧鄙相歐巴桑倯的文字（比如：戴著斗笠又包頭巾是怎樣，很熱嗎？還是這位農友真的是要來噴農藥的嗎？）結論寫講：「你選誰呢？」心雅佇厝裡電腦前給Mail拍開，嘻嘻哈哈用伊百大科技公司公關的詼諧口氣問我。我講，我毋知，只是，彼个歐巴桑戴瓜笠的面足親像我的老母的面。心雅聽我按呢講驚一趒，見笑轉受氣，講：「你說這是什麼意思？」我給應講：「妳大可去參加妳的嘉年華，但，饒過我故鄉的歐巴桑吧！」

下面這篇中央日報的報導，就是〔威權文化〕之索尚蓋顯明的其中一篇，活佇樹頂的櫻桃蟲看著土腳竟然有蕃薯存在的時，講:「那些『蕃薯們』!」。用威權的文化所灌飼的一切(伊所習慣的ㄧ切)來界定線二爿的人的生存，線這頭永遠是正當有尊嚴的，線對面是完全邪惡低路的。注意怹用佇黃春明的「本土」二字，是怹所界定的本土，是活佇樹頂的櫻桃蟲所看著的、接受的「土」，毋是「蕃薯們」所真實生活佇其中的「土」。本土二字的荒謬性就是按呢生成的。

 

=================

本報透視集----「蔣為文們」又來了!
 更新日期:2011/06/01 10:15 成大台文系副教授蔣為文公開向著名本土作家黃春明嗆聲：「台灣作家不用台灣語文，卻用中國語創作，可恥！」媒體和網路上出現許多撻伐蔣為文的文章，但也有人說：「這只是蔣為文的個人行為，何必鳴鼓而攻？」　　把蔣為文個別化，是罔顧事實，因為蔣為文這樣的言論，在綠營中處處可以聽到。果然，台灣北社，台文筆會及菅芒花台灣文學會等三十個社團紛紛挺身出來挺蔣為文，並稱之為「五二四事件」。

　蔣為文以文化之名，抨擊以「中國語」創作的台灣作家，他的真正用心是為「台獨」鳴鑼開道，他表示「中華民國是外來政權」，「中華民國應更改國號」，這和上述支持他的綠色社團的政治立場完全一致；而「中華民國是個外來政權」，這話蔡英文也曾說過。　　民進黨失去政權後，這些聲音並未消失，不過因手中無權，就只能「說說而已」，如今又要選舉了，這些聲音就成為蔡英文的「競選文宣」，目的自然是幫助蔡英文，一旦蔡英文當選，他們有了舞台，就不只是「說說而已」了。　　記憶不遠，如莊國榮就是「蔣為文們」之一，他是教育部秘書，公權力就是他的舞台。此外，許多文化小丑、政治小丑，沐猴而冠，群魔亂舞，這些人可概稱為「蔣為文們」。　　由蔣為文事件使人警覺：如果蔡英文當選總統，民進黨取得政權，那一個個惡夢般的「蔣為文現象」就會又回到我們生活，在我們眼前上演。　　因此，是「接受蔣為文們」，還是「拒絕蔣為文們」，便成為我們明年投票重要思考了。　【中央網路報】

是想用"台灣閩南語"(或稱：台文/台語)寫作，不過是否有一種簡便的拼音方式，如：屬於白話字系列的MLT,SMLT等，或屬於中國“閩南方言拼音方案”(BP)的“簡式閩南語拼音”(GBP，類似SMLT，不過聲調符號類似中國壯文置放在音節的最後)版等拼音法。台羅在使用附加符號(diacritic symbols)的軟體或書寫上是有一點複雜及困難，因前題是比較MLT,SMLT,GBP等拼音法而論。因為不同語系的作業系統都可以拉丁字母(Latin Alphabet, not different diacritic alphabets)相容。灌進台羅的書寫軟體在不同語言的作業系統中是有一點麻煩，而微軟還沒有統一的官方的台灣閩南語(台語)內駐軟體。比如，敝人在歐洲法國巴黎市的軟咔店來使用台羅。當然越南語是已經有國家的定案方式，不過聽說越南語也在進行2020年的簡式版。盼望中，如能有簡式的台語拼音法，或許各路人馬能在較簡便的電腦或書寫的環境下很快的進入狀況。一來可免得落人口實以台灣閩南語(台語)不好用的拼音法為理由，而來畢竟現實上電腦當道如：Notebook, netbook, IPad系列等的進展快速。不知台語拼音簡便法可不可行！