分享替烏暗講好話

替烏暗講好話 【好話集之1】 ◎宋澤萊 值無光之中 降臨 我嘸免掀字典 替無相仝e場合出現e妳號名 因為妳攏共款 阮伸手不見五指 嘸敢伐動腳步 值束手無策 e 時 第一擺心甘情願 坐落來休睏 □ 勝過百世夫妻 e 恩愛 妳將我e腳手、胸坎 黏牢 我無法度將妳搡﹝sak4﹞開 妳無形 也無影 □ 一律平等 妳將所有 e 角落、洞穴 高山、冰原掩崁 將所有高貴、卑鄙 好額、散赤 e 人攬按﹝an5﹞ □ 我無須要閣掛目鏡 妳將所有 e 距離取消 □ 變加真大膽 我頭一遍值眾目金金之前 對青梅竹馬 e 情人喝聲： 「阿麗仔，我愛妳！」 □ 感謝妳幫助我完成值 市政府前赤身裸體 走10遍 e 計劃 □ 予準備射擊 e 槍 暫時放落來 □ 各種皮膚色緻 e 人 攏平穗﹝sui2﹞ □ 日頭更加受歡迎 □ 妳佔領一半卡加 e 宇宙 □ 原諒我定定未記得咱 e 親密關係 只要瞌目，妳道 值我身邊…