王立信 的部落格 -- 十月 2009 封存 (30)
阮踮冊店等汝踅煞了後…….
毋知係落土散赤底
抑是喪鄉失栽培
吃褒神.臊腥鱻.古板老形體
沒膽.耳空輕.閣雷公性地
假日休睏咻飽趁黃昏
即對老尪公婆仔參詳
四界撈撈踅踅咧
隨儂愜意講好勢
汝掛烏仁阮老花
汝有跤力興踅街
阮較斯文徛看冊
反正百貨公司吹冷氣
抑免開半尟
自安呢騎鐵馬 翁某相渡
尻脊抵腹肚
黑煙嗆歸路
來夠大統目的地
兵分双路照慣例
誠品咖啡兼咧賣
偌掀偌咧相寶貝
政治經濟無興趣
英語豆芽沒交陪
腳步總是歇惦固定勢
凊采提即本台語冊
頭仔興興尾仔冷冷
徛殄.坦敧.換推.改跔.
即粒頭壳係昏鈍昏鈍
等久沒人 暗碎念,
俺某吓汝是踅去佗
小可物件買及歸世人
阮佇冊店… 繼續
由王立信於2009 十月 30 9:06pm添加 — 無評論
彼一日的早起
彼一日的早起時
上班窮欲袂赴市
彎彎斡斡直直去
出門阮嘛有看天
天是烏玆傍
日頭跑去匿
抹輸那半瞑
烏陰天 風颱味
不安的心一直鼻
無講無擔
雨水親像爆鼓箸
半路雨槾穿抹離
可比珍珠勤跳弄
草瞑啊弄雞公
叮叮又咚咚
田蛙仔雄雄無準備
掠準欲扮戲
蚯蚓啊探頭不著時
欲溜漩嘛卡費氣
姑不爾將夠公司
卡露鐘仔頓落去
專心上班覓插伊
無張弛 無注意
斡頭看出去
天頂清清 草木青翠
日頭光爍爍… 繼續
靈魂的家書
沒聲喊喝
失守兮緣由
無論如何定著 阮欲報告
曾經禮數當然兮手路
作歌 吟詩 鋪張遊戲之作
發自內心 悠遊蹉跎
則知
心弦撩撥的後壁
光溫暖透射是汝才情氣派
良言.慧心.堅持 全然光采
曾經是泉源涓流清溪
互花紅草綠 鄉情鹹芳有味
互羊群安然吃草
捶柺兮安慰
則知
沒閣聽著行踏印痕蔭聲
秋霜冷落
四季失落跳弄兮色緻
掠作驕傲城牆已經拋荒
沒法固守 久久棄鞍卸甲
雖莽誓約不變 筆鋒蒙塵開叉
沒琴弦 沒詩歌
日子黯淡黑白 晟前塵歷史
對不住顏牧師 阮沒聲喊喝
吐露失守兮緣由
則知靈魂家書句句珍珠淚滴
將惜別 拍拼織網兮兄弟,注賢
網中再見… 繼續
由王立信於2009 十月 30 8:54pm添加 — 無評論
予石山老師兮玆張批
石山老師如晤:
11月初承蒙阮教會吳俊雄長老娘.葉美惠老師好意送阮此本「看牛囝仔」兮冊,石山先生大作互阮如獲至寶,感受卻是近鄉情怯，來人不敢問兮心情，經拜讀再三,對佇冊中兮描述,懟台灣斷代歷史兮瞻前顧後,懟文化民俗甚止政治經濟，透過用生命親身行過腳跡兮進程,見證時代更替之沿革,赤子之心充分流露,令人感懷滿腹心有戚戚焉矣。,阮則拄旦國中程度兮烏手工人爾爾,閣是半山芋仔蕃薯,不爾過懟佇阮羅雅教會前任牧師顏信星兮緣故(伊懟台語兮鄉土文學有深兮耕作及映望),閣佇任內開闢「羅雅網站園地」百般鼓勵為台文爲台灣此塊土地刁持欲揣回早時兮人情義理來拍拚,煞引起阮兮興趣(附上網頂舖http://www.longa.idv.tw/)伊是蕃薯詩社兮成員,… 繼續
心牢20叕
佇心兮牢籠 自關監
心門上鎖
透射無光 暗梭梭
自閉 哭賴地牢
四界角落
行刑罪愆 自捆索
陷入網羅
添柴入灶 臭火燒
凝心 五分熟
刣袂落
互疼兮人傷心
袂當伊 吃傷好
有時結怨 有時惜
相欠債 欲還
心肝拍甘樂
上山頭 五寸釘
破鏡難再圓
滾波浪 海海人生
目屎滴落土
像落雨
註：有時陣.汝所深深疼愛兮人.
卻係汝傷伊上傷重兮人.無定
遮係人性最大破格含缺憾.咱著
致覺即款事實.儘量改善家
己.予身邊兮人幸福含安全
感.毋倘辜負意愛兮當初。
後現代主義兮「羊」【信仰詩】
「家己」嗎是廐內兮羊
自足自利惦佇青翠草場
映望主人養飼阮多元兮嘴斗
水影自戀 清氣溪流
討食四界 摻攪合意鹹淡(chia)
亦閃匿亦欣羨祂 行作兮腳跡
生出順服來驚畏；
因為透世人沒慣勢權威
棰枴注入理性 游牧式感懷
嘖嘖嘖;後現代主義羊群心聲啊！
咁講 憂悶拍結嗎家己解破作「先生」
「我」兮身份欲按怎鋪排啊？
咁講「我」準做 「上帝」
連鞭爭戰墜落凡間兮天使。
咁講「我」隨扮「摩西」，
兼閣提「耶和華」所賜柺仔
雙手舉高高;
家己戰贏家己 兮角色矛盾。
閣想像佇十架項講 晟啦
赦免阮的靈魂彼位。
伊所作兮伊唔知！
「後現代」懷胎兮羊仔子
爲家己織即領時代精神… 繼續
撒該.落來【信仰詩】
千萬粒心拍結球兮
鋼硬刺圭
轉踅一道關鎖
樓閣兮城闈
阮的心固守著
層層疊疊傷痕兮垛口
每每發射 致使人奧堪得
毒箭發落兮痕跡
推落汝 攀跁刺探阮
歸身朽破空隙兮天梯
掩嵌憂愁兮目結
缚一條敏感兮
地雷佇傷心兮引線
點灼難以制壓兮地火
予脆弱兮自尊破裂
抑免得肖想欲潛越 阮
椎心痛疼兮護城河
抑莫得懍恁 親像萬箭齊發
刁持恥笑來牽拖
佇互相尻脊背後兮暗路
當等 孤傲不可一世
在早佗坐好屈勢 像若我
腰身 箍盤著奧得開喙兮虛榮
在抖挫 一直佇遮
一直佇遐咧膨愴鼓脹著
滾強強兮音聲 引動阮心兮方向
惦遠遠的桑材樹頂咧瞭望
伊 挨狹著一句
若雷彈 貫耳即般兮溫柔
撒該 落來！今仔日救恩夠恁兜
俺娘喂；… 繼續
由王立信於2009 十月 23 8:30pm添加 — 無評論
我兮子；斟酌叮嚀毋是囉唆
亭亭玉立，猶原弱質，父母夠旦致意。
斟酌叮嚀，唔是囉唆，善意佗看做好。
平時準備，破輪油錢，急時囥惦身邊。
寒流幔衫，黑雲遮傘，風雲莫測天機。
郊遊蹉跎，五花十色，斜西歸鳥轉岫。
知識加捌，智慧護身，較贏早暗照鏡。
戚友親疏，深緣結交，閃爍眼神閃匿。
養身運動，坐臥精神，日冥定著徛起。
人心奧料，直諒多聞，總是心存仁厚。
厝邊招呼，親和幫補，記得爲主緣故。
生活靈修，教會服事，莫得凊彩應付。
讀冊就職，技術勞作，注神工作態度。
有孝父母，忠心做人，子孫穩當注目。
基督緣故，加減吃虧，懟咱靈命有助。
明月天清，風湧有時，著知主咧看顧。
將來翁婿，牽教細囝，的確盡心份內。
姊妹倆儂，攏有聯絡，提攜一步一步。
彼時父母，天國聚集，信仰毋倘拍無。
哩哩嚕嚕，竹竿菜刀，無非疼子緣故。
最後即句，叮嚀交代，靠主上介實在。
夯筆寫畢，沒意沒意，目墘返紅淚滴。
意見領袖
難產麼!
金金相著 七孔拍結兮臉龐
佗攏熟練喘喟 調息的環節啊。
吸喟，吐喟。吸喟，吐喟。
係怎樣哀吼聲這呢慘悽。
陣陣催生的門縫裡
嘖嘖嘖喝疼啊
超音波影像 胎位點出
通口空喙兮急迫
兩指縫.三指縫.四指縫……
煞猶原佇 順其「自然」抑是剖腹
急及毋急之間咧探踅無路
兩造鮮明兮戰鼓佇暗中 嘀嘀咕咕
創啥貨猶閣 搖旗不定
哎喲 連風佗抑亂了套啊。
油飯亦紅蛋 ；應當是歡喜囝仔
出世兮「彰.瓦」慶事吧
啥!怎劇變成DNA驗明正身兮下場
誰是！阿囝兮俺爹？
誰儂攏毋敢正面看紅嬰仔皮膚色
無定著 妥協嗎算袂「嫫」的選擇
有奶佗係阿娘……
佗是「好的物件」。
由王立信於2009 十月 22 10:40pm添加 — 無評論
無題二唱
無題
魚仔啊！
今仔早起無想欲飼汝
我的詩情
是即港窮窮愈
血崩 海漲的大水湧
洶洶狂狂
沒閒哧哧去
織一領來潮的心網
去追趇
掠 彼一尾
日夜思念
金色的錦鯉
無題
神學家 欲進入天國。
毋是簡單的
親像諸個 音樂家
本途的利耳。
怹定定注心佇盲目兮思辨
卻袂記得排隊。
怹定定融合天國兮感動佇
即個解析劇本兮細目。
惦熟練中犯嫌
主觀的時空。
忽然間 天頂出聲 講
沒有貴賓席
謝絕博愛座…。
由王立信於2009 十月 22 10:30pm添加 — 無評論
伊逐工攏咧趇(chiou)
伊逐工攏咧趇；
祇爲留著這塊土地殘存兮土沙
伊逐工攏咧趇；
祇為著蒐揣這個故鄉感動兮身影
逐!逐海風鹹鹹兮清香
逐! 逐彼場思念兮夢
逐! 逐伊成長兮鄉土情
爲著挖這條蕃薯上深兮根
他夯筆當作鋤頭在掘
晟文化傳承兮一條線
親像四十外冬前伊頭戴瓜笠
毋管霜凍 日曬雨淋
猶原用目屎及汗掘力踏三輪車
雙跤不斷和土地崁印誓約……
夠旦；伊逐工抑咧趇
盡一世兮青春及眛改變兮疼惜
伊逐工抑咧趇 盡
一世兮青春 及
眛改變 兮
疼惜......。
註：阮阿爸唯阮寫兮諸首詩換作白話台語
添尾後幾叕做結語贊助.佇遮做伙獻互
顏牧師及牧師娘表達懟怹兮思念。
【詩文作者為俺查某囝王穎淳小小姐】
婦女團契之伯大尼半日遊之大樹舊鐵橋巡禮
之大樹舊鐵橋巡禮
深耕人文添錦繡
鐵橋殘照映古今
佳話韻事富說解
負軌先史銹風華
復育生態習自然
草澤埤塘有蟲鳴
翩臨候鳥望長鏡
單騎迎箏花漫香
九曲風情三和瓦
旺來玉荷亮斜張
竹寮曹工攔河堰
佛光山頂清風涼
風華再現舊鐵橋
社區營造媠家鄉
休閒教學導遊覽
唱和詩文廣播揚
謹以此文感謝高雄縣大樹鄉舊鐵橋協會
志工女士熱情導覽.鐵橋之歷史今昔並詳
述規劃願景.令人感佩貴會之奉獻鄉土心志。
羅雅教會夫婦團契月例會.關山幸福散記
恆春四季 半島風情
琳瑯綽約 曳手招喚
指日欣盼 聚擁昭彰
忐忑行囊 行簡輕鬆
關山迢迢 路遙咫尺
高椰矮檳 邊境木麻
潑墨山海 仙掌旨迎
山海觀 觀山海
一宿雅築秀麗 得償平生悠閒
扶搖登高遙望 山河青天蔭涼
草原開擴 院落扶疏
憑添幾許蕭瑟景象
觀落日西斜 橘天金海 薄暮黃昏
台灣海峽 雲霧蒼茫
難得 福爾摩沙 淨土美麗
風車箏立綴景 核三弧圓引電
漁帆千點 暗夜輝煌 疑是繁星映照
順順海鮮 落喉快速 豈敢怠慢轆叫飢腸
惠美長老司琴 泰平長老引經創世伊甸
稱說夫婦生活之危機 惹得滿堂笑科不止
卡拉情歌點唱 雙人枕頭當熱
促膝心曲三更 爾後鼾聲四起
夜夢咀嚼猶甘 囈語破讀泡茶
貪睏可惜日光 半掩琵琶羞見
香汗淋漓溼透 謳咾讚美跳操
滿滿凈純清氧… 繼續
詩心
詩心落土
紅紅幼幼
看伊 目睭剝金
看伊 食乳瞌瞌
攬入胸脥
手骨作搖籃
床母輕弄
伊密紋仔笑一咧
阮感動兮心花
開及溪墘滿山溝
看伊學爬
起懸落低
看伊 時常跋倒
看伊 歸空搓皮
膚膚惜惜
藥水黃紅青白
啼哭目屎若珍珠散落地
阮唔咁兮心肝
祙輸跋落坑崁底
大漢形體
勇健骨骼
有時 膨風飽脹
有時 飢荒失頓
總是阮渥水湧肥
聽候開枝散葉
有一工伊的確愈生湠晟人
茲是阮兮向望
由王立信於2009 十月 13 9:57pm添加 — 無評論
夫婦團契牛埔泥岩,曁虎形山行
山水如畫
健步 相綴
揣縫;佮汝講話
話山話水 談天說地
說前塵及遠景規劃
藍圖;山水美麗
山有懸有低
環湖 涼亭看儂論古展藝
一路上；
說詩心 講性地
父母生晟 瀟灑坦白
只有感恩 嗟嘆藏心底
天色清涼烏陰 汝行阮綴
水色蔭影 山光兩回
歡喜心情 鳥隻啼飛
知音忘年;奧得幾回
意猶未盡 攝影姿勢
匆匆來去 他日再會
連迴 連迴……。
註:肇麟會長為旅遊探路著磨, 心思為天氣
起落祈禱,果然上帝垂聽,一工貼心經過
,山水健步,吃飯泡茶,感謝伊。詩中得知
顏牧師莫閣續任，一時有感而作。
由王立信於2009 十月 13 9:30pm添加 — 無評論
阿爸仔失禮啦;(鐵觀音亦故事)
愈記得五.六歲兮時.毋知按怎有即擺講話和阿爸應嘴應舌.惹阿爸誠受氣.幾那日無愛參阮講話.總是每擺靠近阿爸身軀邊想欲及伊會失禮,阿爸攏當做無看著啦。阿爸從來佗毋曾拱我,連罵佗誠少誠少.澎湖話講(金含糖霜丸係心肝仔寶貝兮意思)予阮一時嘛毋知欲按怎者好。.
阿母佇邊啊看甲袂作哩,佗叫阮夠伊身軀邊講,阿信啊:無彩恁爸遮爾疼你.你這擺足傷伊的心呢.阿母給你講;阿母泡一甌燒茶予汝.汝捧去予恁爸仔飲.閣給恁爸仔會失禮.知影無.知啦;我應講.過無外久阿母用鐵觀音茶葉泡佇保溫杯.然後捧來互阮,接手了後,我… 繼續
由王立信於2009 十月 12 8:33pm添加 — 無評論
信仰詩【5】映望人間至情
敢有這款愛情
海枯石爛 地老天荒
眉眼含苞
輕聲振動嘴唇兮時
嚨喉鈴仔 像天使開翅
佇空中四圍
琴瑟 跳舞 吟詩
豈有這號政治
昧冤昧吵 為民嗆聲
望聞疾苦
佇寒露兮時及咱褡衫
疼儂兮心 若阿爸逐日風霜
佇外口趁錢
甘願家己尅虧
敢沒燒烙手足
雪中送炭 心懷溫暖
相替祈禱
看阮有時倒退有時進展
歡喜珠淚 暗暗滴落
佇求叫兮角落
底感謝主耶穌
期待聖潔教會
盡性盡力 靈魂看重
牧長信徒
貼補互相欠缺兮彼塊炭箍
親像火種 合意起造
灼火兮烘爐
閣照光開活路
映望人間至情
嚴嚴律己 認真行作
知識飽滿
用智慧搜揣生命斗底兮真實
熱誠內斂… 繼續
由王立信於2009 十月 12 8:00pm添加 — 無評論
信仰詩【4】佇加利利海邊兮彼得
放浪興風血氣勇
錨碇算計勝天謀
橹搖拋網水深處
身疲更深載重露
誰能示我浮沉海
得人如魚滿倒栽
風聞神人三一格
新天新地霞光彩
誇口錢銀阮沒份
充實靈糧飽足富
醫病趕鬼賜權柄
奇妙策士配至尊
信仰詩【3】創世紀一至六章
真道歸一復起初
日月空氣化山河
創世命立定準則
亙古常存豐富多
被造不察伊甸意
金菓悅目罪身纏
羞露愧遮涼風匿
火焰劍絕轉基路
樂園遙遠足苦楚
蒺藜莿帕汗種作
該隱慕罪難制轄
亞伯受刣血控訴
始祖亞當人世系
血氣敗壞棄上帝
後悔造人淹大水
挪亞大船救全家
