透早也閣算是半暝 天也袂光雲袂開
看著灶跤有人佇咧拭桌椅 削瘦兮身軀孤柴一支
風若吹 阮 驚伊會敧
桌頂準備好食兮料理 款好碗佮箸
看伊一身衫褲摻著流汗水 煮好兮腥臊有愛兮滋味
即款日子 伊 過甲真歡喜
伊兮一生 親像鼎底兮即枝煎匙 毋管佇佗位
總是愛翻來翻去 為著一个家認真咧維持
伊兮一生 親像鼎邊兮即枝煎匙 等待後一次
用心貢獻伊家己
註解
煎匙:炒菜鏟子 款好碗佮箸:準備好碗和筷子 灶跤:廚房 敧:歪倒 腥臊:菜餚豐盛
●
伊兮愛親像白滾水 無色擱無味
無論咱佇佗位 伊兮心肝永遠綴佇咱兮身軀邊
出外兮流浪兒 雖然艱苦無比 暗暗珠淚滴
若是想起伊 委屈變流水 心酸變甘甜
若是不如意 伊是咱上大兮勇氣 為咱全心全意
夯頭看著伊 烏頭鬃變白絲 伊嘛會堅持
啊...阿母兮愛無底比
啊...阿母兮愛…
繼續
由京城於2009 十一月 6 11:00am添加 —
2 篇評論