台文戰線聯盟

胡長松的部落格 (102)

台語長篇小說《大港嘴》連載 06

*本節是全新發表



怹冤家相拍的聲親像一陣風khau過柴版仔縫外口的麻黃樹。隨着宋江陣的鼓聲﹐怹活動--起來﹐予規个庄仔頭浸佇一種過節的氣氛--nih﹐無人清楚興奮的源頭位佗位來。佇落沉的倉庫﹐潘文直lim足濟米酒﹐伊講:「你名義上的查甫祖李添丁予伊所tshūa的抗日隊員江義的老pē江火石刣死﹐閣放火燒厝;毋過本底﹐伊無注該死的﹐伊聽講伊的妻舅來義--a的囡仔破重病﹐想欲過怹兜看māi咧﹐伊的牽手﹐抑就是你的查某祖潘阿採共阻擋﹐因為聽講日本人底探聽伊矣﹐叫伊暗路bàng行﹐講若欲看﹐隔工才看。結果江火石彼暝就夯武士刀來矣。江火石是為著伊的後生江仔義來的﹐因為江仔義佇抗日隊嘛刣死一个警察﹐匿佇山區﹐日本人共放刁﹐愛伊將功立罪才放伊煞﹐結果江火石就共這个刣李添丁的任務擔起來。想袂到江火石怹爸仔kiáⁿ佇任務完成的半路﹐猶是遇著宋保正的保甲壯丁團﹐怹死佇壯丁團手裡。彼工抗日隊的隊員死一thô-la-khuh。」



潘文直問我:「你敢bat想過﹐假使你是江火石﹐你會按怎做?你敢會為着後生共李添丁出賣?」



我感覺一種無法度回答的悲哀。… 繼續

胡長松於2009 八月 27 1:07am添加 — 無評論

歡迎來到台文戰線聯盟

歡迎來到台文戰線聯盟!

歡迎台文戰線同仁佮所有對台語文學有興趣的朋友加入聯盟!

胡長松於2009 八月 26 9:53pm添加 — 無評論

© 2022   Created by 胡長松.   管理小組

成員徽章  |  報告問題  |  服務條款