分享素素仔就好－我e詩觀（三）

素素仔就好－我e詩觀（三） 巧緻，有芳氣 樟仔材e材盒仔 縛一條 金色閣抹金粉 幼幼e錦緞 閣配幾蕊仔 出色e 看袂出真假e金花 掀開材盒仔 半透明 有雅緻圖樣e 玻璃紙 包著 絲仔e錦盒仔 錦盒仔底 色紙做e幼索仔 真細膩縛咧 手工織e 細細e仔e袋仔 層層疊疊e包裝 厚工e設計 逐沿攏咧唌(siann5)人 幼秀e袋仔內底 一e細細塊e材牌仔 工筆雅氣e毛筆字 寫講： <不知所云> 2000/09/26 華語 2002/08/04 台譯 2004/09/27 修 北投 2004/12/25 ＜台灣日報－台灣副刊＞ 2005/01/20 米羅‧卡索-卡車斯基(蘇紹連)詩評＜台灣日報－台灣副刊＞