分享牛屎佮蛇精-11
（十一）拜託婚逃賣暖蛋 牛屎：蛇精，我前幾天仔去一間餐廳食飯，看著彼个店頭家真趣味，伊佇門跤口， (tshāi)一个牌仔，頂面寫七个字「拜託婚逃賣暖蛋」，你臺語毋是不只仔厲害，予你臆看覓，到底是啥物意思？ 蛇精：怪奇啊！你講，這个頭家是咧逃婚無錢通走路諾（--hioh）？所以，姑不而將只好賣燒燒的茶葉卵趁寡錢通走路用。 牛屎：毋著啦！無彩你臺語讀彼濟冬，閣毋捌人一塊屎礐仔枋。 蛇精：臆無咧！看起來應該是臺語無毋著矣。無，你講伊若毋是咧賣卵，到底是啥物意思？ 牛屎：拜託咧！這馬『加蛋』（遮等）愛加十箍呢！若無，你外口等都免錢啦！伊的意思是講「拜託，薰頭莫亂擲！」。 蛇精：哎唷！這个頭家，人不只仔巧喔！ 【臺語俗諺】 公學讀六冬，毋捌人一塊屎礐仔枋。 Kong-ha̍k tha̍k la̍k-tang, m̄ bat lâng tsi̍t tè sá…
