分享日子的色水
佇日子告一段落的時 算看覓過去日子的色水 上合意的物件，攏被服侍佇上懸的所在 上討厭的垃圾，隨時纒綴佇身軀頂面 過去的日子，親像太空梭咧飛徙 未來的日子，親像老人咧騎跤踏車 車牌仔跤等公車，攏是對面的車先來 這世人上驚狗仔，攏有兇蓋蓋的狗向我衝來 別人破重病倒咧，攏無家己倒佇病床赫沉重 別人拼命咧生囝，攏無家己生產的拆腹裂骨 愛我的人，損我傷深 無愛的人，愛我傷濟 日子的色水，千算都算袂了 但是汝會當看著我的傷痕 知影我受傷過，嘛捌醫好過
佇日子告一段落的時 算看覓過去日子的色水 上合意的物件，攏被服侍佇上懸的所在 上討厭的垃圾，隨時纒綴佇身軀頂面 過去的日子，親像太空梭咧飛徙 未來的日子，親像老人咧騎跤踏車 車牌仔跤等公車，攏是對面的車先來 這世人上驚狗仔，攏有兇蓋蓋的狗向我衝來 別人破重病倒咧，攏無家己倒佇病床赫沉重 別人拼命咧生囝，攏無家己生產的拆腹裂骨 愛我的人，損我傷深 無愛的人，愛我傷濟 日子的色水，千算都算袂了 但是汝會當看著我的傷痕 知影我受傷過，嘛捌醫好過
