劉菁芬的帖子 - 台文戰線聯盟
2024-03-28T20:09:53Z
劉菁芬
https://twnelclub.ning.com/profile/liujingfen
https://storage.ning.com/topology/rest/1.0/file/get/3003289823?profile=original&width=48&height=48&crop=1%3A1
https://twnelclub.ning.com/profiles/blog/feed?user=15bldmvck6zzf&xn_auth=no
詩是啥
tag:twnelclub.ning.com,2010-06-27:3917868:BlogPost:3973
2010-06-27T00:00:00.000Z
劉菁芬
https://twnelclub.ning.com/profile/liujingfen
<p align="left">詩是啥?詩是阮頭殼疼,起烘爐火勻勻仔煉出來兮一味草藥汁,等阮共藥粕佮藥劑倒置碗底詳細看,才知影,浮置頂面兮是溫膽湯,沉置碗底是紅娘兮藥方。</p>
<p align="left"></p>
<p align="left">恁一定毋相信,原本詩是阮欣賞家己徛佇相思仔林上媠兮勢面,即馬續來因為妙沂寄來兮一本冊,內底所寫兮幾句話,予阮自故鄉彼粒虎頭山彼片相思仔林,看向土城山崙閣過去彼座觀音山,佮阮跤底所踏兮這塊險險仔欲拋荒去兮菜瓜園。</p>
<p align="left"></p>
<p align="left">最近佇幾位文友兮鼓勵下,阮毋爾漸漸看著徛佇日頭跤兮家己,嘛看著天光了後日頭兮光線,射向東北風定定來巡邏兮東北海岸,彼片一路共手深入海底兮半山壁,佮行位海湧滾絞,頂面罩著水霧兮飄搖船隻。…</p>
<p align="left"></p>
<p align="left">詩是啥?詩是阮頭殼疼,起烘爐火勻勻仔煉出來兮一味草藥汁,等阮共藥粕佮藥劑倒置碗底詳細看,才知影,浮置頂面兮是溫膽湯,沉置碗底是紅娘兮藥方。</p>
<p align="left"></p>
<p align="left">恁一定毋相信,原本詩是阮欣賞家己徛佇相思仔林上媠兮勢面,即馬續來因為妙沂寄來兮一本冊,內底所寫兮幾句話,予阮自故鄉彼粒虎頭山彼片相思仔林,看向土城山崙閣過去彼座觀音山,佮阮跤底所踏兮這塊險險仔欲拋荒去兮菜瓜園。</p>
<p align="left"></p>
<p align="left">最近佇幾位文友兮鼓勵下,阮毋爾漸漸看著徛佇日頭跤兮家己,嘛看著天光了後日頭兮光線,射向東北風定定來巡邏兮東北海岸,彼片一路共手深入海底兮半山壁,佮行位海湧滾絞,頂面罩著水霧兮飄搖船隻。</p>
<p align="left"></p>
<p align="left">阮若想起長久以來,舖展佇面頭前這條家己選擇欲行兮文學路,心內一時仔是歡喜,一時仔是悲哀,就像即馬看到兮天頂,一爿是日頭兮光線,一爿是烏烏暗暗兮雲海,紲落,出現佇耳孔邊兮雨聲若掃射,予人是愈行愈驚惶。</p>
<p align="left"></p>
<p align="left">這款心情,坦白講,只有真正行過船抑是爬過懸山兮人才知影。即馬,毋爾愛共天公借膽,憨憨仔向前行,嘛愛學阿母攬一欉會旋藤兮菜瓜欉佇身軀,向望伊會當共金黃色兮花蕊湠甲規山壁。雖然即馬猶原是毋知影佗一年?佗一日?佗一蕊?才會予蜜蜂、蝴蝶晟作滋味清甜兮菜瓜。</p>
<p align="left"></p>
<p align="left">最近,阮嘛定定問家己,台灣文學是啥物?是阮用卡熟手兮華語所寫兮文章,抑是這馬斡頭轉來學阿公細漢寫兮字讀兮冊吟兮詩?</p>
<p align="left"></p>
<p align="left">感謝天公伯仔予阮這擺兮機會,自從熟識妙沂了後,阮才有這个機會來遮欣賞各位文學前輩,用家己兮母語表達對這塊土地兮情。</p>
<p align="left"></p>
<p align="left">詩是啥?佇阮看來,詩是一葩一葩爍咧爍咧兮火金姑,有時覕佇目睭,有時藏佇心肝,照著八八水災那瑪夏鄉彼條淹過大水崩過山壁,崎崎嶇嶇兮小路;等阮斡頭一咧看,毋爾看著月娘帶一群星仔囝綴佇阮後壁,續落嘛共阮心內彼片菜瓜園照甲光影影。</p>
<p align="left"></p>
<p align="left">詩是啥?詩是一粒一粒歇佇阿母菜園仔兮菜瓜子,時間若到,毋管是出日頭抑是落雨天,伊攏會想辦法位罅痕兮土跤爬上天。</p>
<p align="left"></p>
<p align="left">詩是啥?詩是阿母兮形影——阿母一世人無讀冊,毋夠伊毋認命,盈早晚覕佇厝內學寫字閣兼種菜瓜;詩是啥?詩是阿母一生兮堅持——阿母一世人毋捌字,毋夠伊誠厲害,目一睨,菜瓜花就湠甲規厝間;細漢兮時,阮攏想袂曉,遐兮字按怎讀,才會當讀出佮別人會比並兮滋味?</p>
<p align="left"></p>
<p align="left">毋夠,即馬阮知影,阿母毋爾厲害會寫字,猶閣會吟菜瓜詩,伊兮菜瓜詩頂頭揣無半條菜瓜,因為伊共菜瓜花,開佇碗箸,開佇煎匙,開佇雙手,開佇鹹酸苦澀兮日子,開佇一菢位烏翻白兮頭毛絲,開佇一杯白滾水,開佇雙跤踏著裁縫車等待天光兮半暝,開佇家己愈來愈<font face="新細明體">隱痀</font>兮身軀,開佇一群愈來愈成樣兮囝兒。</p>
<p align="left"></p>
<p align="left">原來,詩是一蕊一蕊恬恬清香恬恬媠兮菜瓜花,明明開佇遐,毋夠咱若無拍開心窗'詳細看詳細聽,嘛聽無伊佇講啥。</p>
<p align="left"></p>
<p align="left">詩是啥?詩是這馬阮攬佇身驅這欉會旋藤閣會生菜瓜兮菜瓜花——伊,誠輕、誠媠,有時像春天兮花蕊;伊,誠擠腹、誠清甜,有時像秋天飽淀兮稻穗。煎、煮、炒、炸,毋管咱按怎呷,攏誠續嘴,位阿公彼代呷甲阿爸,位阮遮代呷甲阮兮囝囝孫孫。這款滋味,永遠攏會佇這塊土地,這片菜園仔傳落去。</p>
<p align="left"></p>
<p align="left">後記:</p>
<p align="left">初來乍到,對這兒的介面操作與環境,還不是很熟悉。對於幾位前輩對本人拙作「生命之河」的熱情回應與鼓勵,菁芬本該早早出面回應並致上十二萬分的感謝,可是實在是有些心虛,至今雙腳還在劈劈剉,若非妙沂和gd兩位文友在一旁加油打氣,我還當真不敢下筆寫台語散文。</p>
<p align="left"></p>
<p align="left">即使台語是我原生家庭的用語,但是多年不用、少用的結果,用詞抓襟見肘從我的文章裡不難窺見。那天,我戲謔式的跟gd文友抱怨,為了寫好台語散文,自己現在倒像個江洋大盜似的,到處登門偷、搶別人文章裡的字與詞。</p>
<p align="left"></p>
<p align="left">書到用時方恨少,欣賞了幾位前輩的文章之後,再次驚覺到,自己腦海庫存可運用的語彙,竟是貧乏得可以。我估算過,自己花在打一篇台語散文的時間,起碼是華文的五倍多,坦白說,挫折感不謂不大。</p>
<p align="left"></p>
<p align="left">有時甚至會質疑,自己這一小步,是否真能跨出去?然後,接下來呢?繼續這麼到處當小偷,偷別人文章裡的台語用字,回來拼拼湊湊?其實,這就是目前我所面臨到的最大困境,除了文字不統一外,我相信,這也是台語文學不易推廣的原因之一。</p>
<p align="left"></p>
<p align="left">當鍵盤打不出我想表達的用語,找不到我想用的字,甚至連想要就近向gd文友請教,都會出現一些小問題,因為連最熟手的注音輸入也拼不出來。</p>
<p align="left"></p>
<p align="left">gd文友看了我的抱怨之後回我說:</p>
<p align="left"></p>
<p align="left">我想,這也是為什麼寫台文的大多是南部人的原因。南部人本來就生活在台語的環境;對北部人來說,不管在職場還是日常生活,台語的運用本來就貧乏欠缺,台語不輪轉也就不足為奇。</p>
<p align="left"></p>
<p align="left">寧兒阿姐現在遇到的困難我都遇過,甚至還有許多是妳還沒發現的,所以我說,台語文學真的不是一條好走的路,不只是創作時耗費心力,更讓人氣餒的是,好不容易寫一篇作品,真正會用心去看、去欣賞的,少之又少;不是隨便敷衍幾句,就是望風而逃。妳會發現越寫越辛苦,越寫越孤獨,越寫越無力。</p>
<p align="left"></p>
<p align="left">像我現在,幾乎不太和格友們來往,都是閉門創作,文是寫得多了,但朋友也少了,像我提醒阿姐妳的,走這條路雖不像練葵花寶典那樣,必先自宮;但最最起碼的條件,一定得夠傻才行,寫到後來妳會發現,真的只能靠一股傻勁支撐,內外在的阻力真的超忽外人想像。</p>
<p align="left"></p>
<p align="left">小弟我這些日子以來的閉門苦學,總算還學得一些雞毛蒜皮的台文基本功,阿姐遇到什麼文字上的困難,只要是我懂的,一定會盡力協助。畢竟,敢在這重重黑幕裡放光的螢火蟲,真的不多。希望寧兒阿姐能堅持下去,妳可是堂堂《龜毛派》掌門,怎麼可以這樣就退縮?</p>
<p align="left"></p>
<p align="left">無論如何,我都得把自己與《不受教》教主——gd文友的這段對話轉貼出來。因為若非他在背後幫我逐字校稿,我真的會寫不下去。藉此機會,我要以悃愊之心,向我的台文啟蒙老師《不受教》教主——gd文友,大聲說<font size="7"><strong>謝謝</strong></font>。<br/></p>
生命之河
tag:twnelclub.ning.com,2010-06-20:3917868:BlogPost:3863
2010-06-20T10:42:32.000Z
劉菁芬
https://twnelclub.ning.com/profile/liujingfen
<p align="left">阮安搭佇遮兮每一字,親像是會生湠的相思仔林,一叢牽挽一叢,一菢攬過一菢,徛佇這塊土地金金看,看南勢溪佮北勢溪按怎會合,看新店溪佮大漢溪按怎讚聲,搝長一條淡水河迵大海兮生命線。…</p>
<p align="left">阮安搭佇遮兮每一字,親像是會生湠的相思仔林,一叢牽挽一叢,一菢攬過一菢,徛佇這塊土地金金看,看南勢溪佮北勢溪按怎會合,看新店溪佮大漢溪按怎讚聲,搝長一條淡水河迵大海兮生命線。</p>
<p align="left"></p>
<p>彼日,山腳姑丈過身欲出山,阮佮阮尪撥工開車載台北姑仔轉去通霄。一路阮聽伊老大人勻勻仔講起幾落段以前阮攏毋捌聽過兮囡仔代,聽咧聽咧,家己若親像跋落時間兮迷魂陣,分袂清楚這到底是伊兮人生故事?抑是照影阮未來心情兮一面鏡?</p>
<p></p>
<p>自細漢阮就聽厝邊頭尾呵咾阮兮面模仔生了誠媠,誠像嫁去台北彼个阿姑細漢兮時陣。這擺,阮拄好有機會載伊,順續聽伊講起阮囡仔時是按怎黏伊黏甲剝袂落離,就連伊欲出嫁進前彼一暗,欲去媽祖宮邊仔彼間美容院電頭鬃,阮嘛哭欲綴伊去,甘願予伊攬佇心肝頭煽燒風,嘛欲盹龜等伊。</p>
<p></p>
<p>日頭欲落海兮時陣,阮閣開車載伊去虎頭山頂走揣伊囡仔時兮記智——日本神社,順續看海看街景後壁彼片青翠兮山崙,阮嘛趁這擺兮機會,翕幾落張相片做紀念。看伊一路笑微微,親像欲晚仔兮海風,吹起來誠清爽,伊講伊誠久誠久毋捌遮歡喜矣。</p>
<p></p>
<p>這幾冬,伊兮跤頭趺關節退化誠嚴重,行路變甲誠慢,毋管是落樓梯抑是落坡崎,看起來攏誠吃力。彼工,阮就親像伊兮查某囝仝款,牽伊兮手,一路勻勻仔行勻勻看。</p>
<p></p>
<p>講到通霄這个日本神社,是最近阮定定造訪兮一个所在,自從舊年秋天,第一擺陪阮尪轉來遮看海,順續行阮囡仔時行過兮路,這馬只要有機會轉來故鄉,阮攏會閣來遮行行坐坐咧,這種感覺就親像天頂尾溜彼幾落隻兮鳥仔,佇金黃兮暮色中踅來踅去,卡踅嘛踅袂過徛佇出海口爿仔這六支染著故鄉天色兮煙筒管。</p>
<p></p>
<p>阿姑講,自從伊嫁去台北了後,上起碼嘛有幾落十冬,毋捌閣爬上這粒虎頭山。她猶記得頂擺來,是因為伊轉來共阿公做生日,彼當時阮學校拄好佇開運動會,伊去柑仔店買兩罐黑松汽水來學校看阮佮阿兄。</p>
<p></p>
<p>伊若毋講,阮煞險嘛袂記遮件代誌。彼工,伊毋爾提兩罐黑松汽水來,猶閣牽伊生兮一對雙生仔來。想袂到目一睨,阿敏嘛閣生一對雙生仔,今年攏欲考大學矣。</p>
<p></p>
<p>自阮讀冊以來,就知影一件代誌——汝兮血脈未來會佇汝兮下一代繼續湠落去,汝兮囡仔這馬兮形影就是猶袂落土爛兮汝;阮兮故事佇阮家己兮生命以外,若有法度按呢繼續生湠,這就是講阮兮生命就親像南勢溪,並毋是猶未迵大海彼一段等待佮孤單。</p>
<p></p>
<p>昨暝欲睏進前,阮閣共家己寫兮這篇日誌位頭甲尾詳細看幾落擺,規暝續來一直眠夢一直眠夢,夢阮心內想欲畫出來這幅圖兮天頂線,續落欲按怎牽絲變成山頂尾溜彼片雲,彼片滲滲仔落佇相思仔林兮相思雨?</p>
<p></p>
<p>汝敢會記智咱定定去彼片山,溪墘樹蔭下底落規土跤兮台灣相思仔花?這馬按怎看按怎想攏誠媠;黃黃一蕊一蕊,親像暗暝天頂金爍爍兮目睭,恬恬用母親看顧心肝仔囝兮眼神牽挽著阮,親像攬著阮兮夢佇胸前予天頂兮月娘看。</p>
<p></p>
<p>夢中遮形影重重疊疊,若親像一齣黑白電影倒退拖,卡帶……停佇滲滲仔雨兮相思仔林,停佇落雨煞兮青草埔,停佇青山崙莩野菇兮老柴箍,停佇田溝仔墘抾田螺抓水蛙兮笑聲,停佇囡仔時想欲轉大人兮向望中,向望雨緊煞天緊闊,向望會當離開故鄉一切兮種種。</p>
<p></p>
<p>誠濟年了後,阮佇夢中時常想起紅瓦厝彼叢老榕樹;阮嘛時常想起佮阿公坐佇簾簷跤彼條長椅條,恬恬看春天兮雨水掛佇老榕樹兮嘴鬚,一粒一粒光影影,親像一串一串兮白珍珠。有時陣,阮嘛憨憨仔徛佇樹跤一直等一直等,等遐兮珍珠落落來土跤水窟跳水舞。</p>
<p></p>
<p>這馬想起來,原來彼片相思仔林就親像阮囝仔時彼叢老榕樹,樹跤有阮囡仔時想欲轉大人兮等待;有阿公行過春天兮雨水聲,遮長長短短,一串一串,毋管是珍珠抑是目屎,攏位老榕樹兮嘴鬚落落來。</p>
<p></p>
<p>彼當時兮等待,其實並無貪心,只是想欲等待雙跤搝長會當走卡遠;只是想欲等待家己轉長大人,了後會當離家走揣家己兮美夢爾爾。</p>
<p></p>
<p>這馬兮雨水滴佇相思仔林,發出仝款沈重單調兮聲音,規世界親像攏佇等待這場落袂離兮冷雨啥物時陣才欲結束?</p>
<p></p>
<p>阮兮美夢嘛佇遮等待,等待雨水稍歇一下,就親像阮囝仔時佇落雨煞,會當去山邊兮坑崁跤走揣阮兮貓仔囝,想伊一定佇遐等阮去抾田螺抓水蛙予伊食;就親像阮等待雨落煞,趕緊去山邊挖一个土灶,順續偷挖幾條蕃薯,家己抾柴起火,烘甲規面紅記記,一雙手若親像黑火炭,嘴角黏著黃黃香香兮蕃薯味。</p>
<p></p>
<p>汝講阮這種日誌畫面佇汝夢中,必然是一个無聊寒假悲掠兮童年,汝兮記置內底,內湖兮冬天總是落著雨。汝臆阮紅瓦厝邊仔彼叢榕樹跤,是阮感覺上溫暖上有希望兮所在。是矣,雨水位樹葉頂懸落入塗跤彼條大水溝,阮綴阿兄拗一隻紙船放落去,看伊順著雨水勻勻仔流過阮兜,經過防空壕轉彎彼條巷仔口,繼續向巷仔頭流出去。</p>
<p></p>
<p>阮定定想欲出去,去媽祖宮閣過去彼粒虎頭山,去山跤彼个籃球埕,看山頂彼間若親像鬼仔厝兮日本神社,落著大雨兮日子,內底敢有冤死鬼仔兮哭聲?可惜,阮若會當放一隻小小兮紙船載著阮兮夢出去,看伊流過阮兜佮隔壁兮門埕,然後佇風雨中飄飄搖搖。</p>
<p></p>
<p>汝講汝細漢兮時陣,落雨天毋人陪,上愛家己坐佇水溝墘,因為水溝仔內底有一寡水蠆抑是龍蝨會當觀察,汝上愛看怹佇清清兮水底來回轉踅。若毋,就家己坐佇破藤椅頂頭,看規片若西遊記花果山兮水簾,位懸懸兮厝瓦頂落落來。</p>
<p></p>
<p>這馬想起來,細漢咱離開厝,上遠嘛只是行甲山邊、田邊、海邊,行過一擺閣一擺熟識兮田岸路,軁過一叢閣一叢刺跤兮麻黃樹,關心遐兮毋人愛兮貓仔狗毛蟹佮野花草。這馬大漢了後,離厝越來越遙遠,身軀邊兮一切,續感覺越來越生份。</p>
<p></p>
黑夜的嚮往
tag:twnelclub.ning.com,2010-06-20:3917868:BlogPost:3858
2010-06-20T10:00:00.000Z
劉菁芬
https://twnelclub.ning.com/profile/liujingfen
<p align="left">毋管是出日頭,抑是烏陰天,阮兮心情就親像一叢落雨樹,輕輕啊吸水,輕輕啊吐氣,阮係透早青草埔頂面活靈靈兮露水,阮係雨傘頂頭一蕊閤一蕊兮水玫瑰。</p>
<p align="left"></p>
<p align="left">係按怎阮欲將心內兮景緻寫予伊?因為伊係阮永遠放袂落離兮一首水中詩。</p>
<p align="left"></p>
<p align="left">汝離開彼下晡,阮一人徛佇遮聽天頂勻勻仔霆雷吟詩;也讀烏陰兮雨水,共遮塊土地補空嘴。</p>
<p align="left"></p>
<p align="left">悲傷藏佇佗位?悲傷就藏佇夢中吞霄社彼條挑鹽古道,阮嘛誠想欲綴遐兮文友,揹筆一步一步去阿公怹三兄弟用扁擔擔怹老爸兮金斗甕行過兮跤跡走揣鄉愁,可惜這馬阮按怎看、按怎揣攏欠一味,親像八八水災兮大水,明明有跤,卻是行無路。…</p>
<p align="left"></p>
<p align="left">毋管是出日頭,抑是烏陰天,阮兮心情就親像一叢落雨樹,輕輕啊吸水,輕輕啊吐氣,阮係透早青草埔頂面活靈靈兮露水,阮係雨傘頂頭一蕊閤一蕊兮水玫瑰。</p>
<p align="left"></p>
<p align="left">係按怎阮欲將心內兮景緻寫予伊?因為伊係阮永遠放袂落離兮一首水中詩。</p>
<p align="left"></p>
<p align="left">汝離開彼下晡,阮一人徛佇遮聽天頂勻勻仔霆雷吟詩;也讀烏陰兮雨水,共遮塊土地補空嘴。</p>
<p align="left"></p>
<p align="left">悲傷藏佇佗位?悲傷就藏佇夢中吞霄社彼條挑鹽古道,阮嘛誠想欲綴遐兮文友,揹筆一步一步去阿公怹三兄弟用扁擔擔怹老爸兮金斗甕行過兮跤跡走揣鄉愁,可惜這馬阮按怎看、按怎揣攏欠一味,親像八八水災兮大水,明明有跤,卻是行無路。</p>
<p align="left"></p>
<p align="left">有時陣,阮嘛誠想欲放棄,若毋是夢中彼尾苦花魚互阮抱著希望,不時佇阮心肝頭踅來踅去,踅出一條山青水明兮血脈,予阮鬱卒兮時陣,心情猶原流向春天彼爿彼條南勢溪佮北勢溪雙合嘴彼條水路。</p>
<p align="left"></p>
<p align="left">阮無欲親像以前仝款,每一項代誌攏吞忍,因為阮知影,強忍兮溪水若暴發,阮囡仔時兮記持,土确厝、紅瓦厝、弓蕉園後壁彼片小山崙、青草埔和大圳溝邊彼片樹思仔林,攏會予大水流流去。</p>
<p align="left"></p>
<p align="left">逃避面對現實,意味著咱將失去正向思考兮能力。有時陣身為台灣人,真是一種看無底兮悲哀,想欲寫,揣無字;想欲行,行無路;想欲吼,吼袂出聲......</p>
<p align="left"></p>
<p align="left">阮兮心情定定親像這塊土地一向兮悲情;親像下晡北部這陣雨,落甲誠沉重;親像阮踅頭轉來學阿公講兮語言讀兮冊,每一字攏含著一滴目屎一滴血。</p>
<p align="left"></p>
<p align="left">咱攏知影,日頭跤藏袂著啥物秘密,烏陰天最後攏是予大雨清甲澹糊糊;今仔日關了遮扇窗,紲落明仔載倒了彼扇門、彼片壁,想欲問天頂兮月娘:阮台灣人兮鄉愁,到底是愛看向佗一爿,別人才會看見阮這間罅痕的夢中厝?</p>
<p align="left"></p>
<p align="left">今仔日,阮趁紅雨猶未降落進前,趕緊閣畫一尾夢中魚共伊放生。</p>
<p align="left"></p>
<p align="left">汝敢知?每日暗暝阮若是面對心內這首詩,心情就親像藏水沬,深深隱形入彼條夢中溪,有時陣變成溪底兮矽藻佮浮移兮微生物;有時陣變成莩泡的空氣。阮兮靈思若親像苦花魚兮嘴形,就按呢一嘴一嘴張合著日頭跤兮景緻。</p>
<p align="left"></p>
<p align="left">是毋是該封溪護魚,當一條觀光道路切斷一條青青兮溪水,以這塊土地囝孫仔自稱兮阮,是毋是該藏入溪底,化身浮游生物,飼養彼陣苦花魚,以便守護畫冊台灣獨獨賰落來兮一條迵底綠意兮溪水?<br/></p>
<p align="left"></p>