電視名嘴兮嘴

[王立信]

電視名嘴兮嘴

 

觀星望斗拍測衰

天文地理我恁父

出將入相額無份

趨入戲班扮上帝

 

固定戲文提劇本

欲刣欲掠習演練

祖公萬代若親見

打探虛實厚面皮

 

暗潭獠牙青面鱷

一口咬定品無賠

日光下底隨變色

祇偆死鴨硬嘴皮

 

算斤秤兩知八卦

才疏學淺恁大家

紫微斗數兼推背

若無阮來恁命休

 

西瓜固定倚大傍

搖旗軍仔先開槍

替人扛轎作打手

禮義廉恥準無算

 

論真欲講寫昧了

那看電視那幹譙

伊那無啼咱昧曉

人心糞埽崁山溝