【當阮睏佇搖笱內】

[王立信]

【當阮睏佇搖笱內】

【當阮睏佇搖笱內】猶是嬰仔兮時袸.睏飽啦醒來了後，迷迷茫茫展開猶咧憨眠的目睭，看見著厝脊樑兮頂懸層層疊疊波浪形體兮紅瓦片，霎瞇去兮兩蕊目睭連鞭慢慢仔愈來愈精神。斟酌相著瓦片搭岸著瓦片.佇匿縫兮中間親像有藏著幼幼細細；透光圓點濟濟兮空縫款勢，鬥陣變成濟濟條趨趨斜斜兮光束,以多角度兮形式投射佇厝內逐角落。佇壁牆面頂、惦佇土跤；袂輸放捨久年失修老舊廢棄兮舞台，它兮老舊更較像是按耐不住寂寞、年華老去兮藝師，用虛華浮腫的體態肖想欲追揣自早彼份美麗青春兮形影。抑毋過.透射出來兮線光，閃爍著微微光兮塵埃，飄忽不定的挾擠佇光兮圓柱斗裡，實在互人毋敢放心誠爽快底喘喟呢。深驚這落飄光的微塵愈即無細膩佗夆吸入去肺部深長恐惶兮迴廊裡，然後煞勻勻仔累積.咧累積啊。

阮置底睏兮所在，拄好是阿爸做工課時袸的豆腐間。豆腐間裡總是不三時充滿著浸泡了後兮黃豆；輾絞成作漿白牛乳色.糊糊粘黏的臭莧味，阿母工課時為著就近方便照顧阮，佗凊采將阮匟佇角落邊邊仔兮搖笱內，沒閒兮時袸阮翻身乾旦看著阿母自將黃豆一桶一桶絞好勢兮白漿倒入去前仔佗綁好勢；半人胸坎吊懸兮打十字形兮四角白麻布巾仔內面，閣自將熱撲撲.燒滾滾的水湳入去.則閣用雙手挽惦按手柄. 搖搖晃晃沒停轉旋，予鮮兮乳漿含豆頭粕分離…。燒土炭的燒氣，水氣、含著澹漉漉的汗水交叉著茫煙散霧兮景象，一直蒸發.一直搞纏.盤徙惦腦海內遐尼濟年，準講係滯冥夢中也不曾褪色去。阮阿爸生我兮時歲頭仔佗已經45歲外了，真正毋知影伊為著阮日後拍算欲拼老命夠置冬時。敢若親像這間破破舊舊兮豆腐間，表明用伊最後拖沙.無脈兮喟絲值底至贊著。

【當阮睏佇搖笱內】兹個搖笱乃是阮彼個滯惦海軍老士官長仔的阿舅親手精心的傑作，佇動亂不安的年代裡，綴政權退守台灣，怹將寶貴的一生予了伊兮國家，老來纏身的病魔猶原毋放拺怹煞，伊一世人拖磨無娶老來人事全非，伊映望的是啥麼？回轉四川老祖家嗎？那按尼伊兮父母呢？童年呢？囝仔滾耍伴呢？青春凊狂少年呢？誰愈挽回。路尾手嗎係佇第三擺聽候回鄉的一工透早，西裝穿挺挺兮躺倒佇眷村租厝的房間仔裡，無講一句嗎沒告白的撒手人間。他的一生獻互了即個沒法度轉踅徙閃的；混亂閣強大的意志，抑伊家己的意志咧！雖莽伊不爾過乾旦是亂世.近代中國歷史湍流的一粒沙爾爾，抑若對佇伊本身，啥物款兮辦勢予伊有機會倘蒐揣佮引導進入真理兮路徑呢，啥物款兮條件致使予伊靈性成長兮倚靠有根有基咧，安身.立命豈毋係人所共通需要嗎。主啊！他抹赴來認識你，對佇拯救、永遠兮活命即款代誌，這些人又欲閣按怎拍派及鋪排呢。公平審判兮主啊！求你恩待伊兮靈魂。

講著我實在是誠有福氣，佇生命行入暗途跤兜兮崁站好得佳哉有援手相助，愈倘懟失神無依的困頓內面唯頭開起.重新潛藏、安頓、心神恢復平靜重新得力。當冬時阮瞢懂的血氣喟力用盡.放手求告兮時，主的大權能主的靈祂的聖潔公義、信實憐憫、恩典的充滿佇茲個「老我.取死」的身軀頂，並且函上帝惦創世起初的時袸祂看作兮好意思所賞賜兮彼一口靈氣，「人的樣像是照祂兮款式」分別作聖的注入佇每即個身心靈；閣賞賜惦予咱自由意志的中間作上媠結合。予人惦世間活著的沒閣是「我家己」，是主兮形象佇我內面值底活著。倚靠聖神所得的報償是雙料的，若咱顧謙.甘心卑微看待世間兮時，人面前倘得謳咾，再閣順趁教示自將榮耀白白歸榮光上帝。上帝佗恩典咱在世所得的福分.的確拍開天倉豐豐富富的賜予，抑咱閣熱切的回應上帝來挑動人性至善至真的典範。若按呢推演，表象膨愴兮虛榮便佗頓逃無影無蹤，撒旦魔神仔亦就無處立足之地作濫散煽動的工作了。


當等咱人歸回至善至潔的靈氣佮三位一體聖神相通兮時，上時嗎是將一切頌讚榮耀歸互獨一真.至高永活上帝的時袸。上帝的國的確翩翩然降臨佇世間了。我想當神國降臨兮時候，宇宙兮星辰乃至大地山川，涓涓潺潺的流水，金華萬丈的日頭光含陣陣清涼的春風夠及鳥語花香，嗎乾旦是遐兮吟唱詩人怹歌頌傳達情感輾鬚的丁點仔爾爾，若對佇將欲降臨的天國彼款兮榮耀，怎樣是這落卑微自憐被造的情感理性，咱茲個罪中的客體用盡潛在能所愈倘闡明出來的想像夠天父的榮光於萬一呢！我想那到彼日天地直欲廢去；佇佮聖神面對面的當陣，一切攏愈體現明白。天國的榮耀絕對是超過天頂地下包括天使含宇宙萬物、閣的確係所有得勝.聖潔.公義.仁愛的總根頭吧，我想。

【當阮睏佇搖笱內】 阮兩蕊空茫兮目睭四掃觀望著…感覺空茫敢若霎那閣永恆兮時空，阮刁持出力恰思維恰探究…，猶原是空空的思維恰探究。袂受塵世污染的空靈，袂輸若真正有影兮款惦一片空空白白裡斗底窮窮硬咧思維，想像、記智、歸納。不爾過這一切亦攏是加的。現此時阮頷頸深長長上意愛的嗎閣是熟悉的阿母兮聲音，參著香貢貢燒滾滾的牛奶矸仔所沖出來煉奶的香喟，彼落燙燙甜甜的滋味，洶洶大喙吸落喉了後所擁有滿意、飽足兮感覺。當吸完奶矸仔內煞落尾彼嘴兮時袸，偆仔兮奶水所摻雜著空氣的泡仔沫，猶有不自覺的煞手自將奶矸仔懟旁邊仔坹去兮手勢，若像完成神聖的祭禮典兮膜拜禮敬路煞尾的完成式呢。

【當阮睏佇搖笱內】 續落去是阮聽候迎旨將欲互此世間污染的空靈。抑若思念兮念頭咧！只有是沒人有閑倘惦身軀邊陪伴我的時站，空紡的腦智習練想像前奏曲罷了，更較像是講叫做「空站」吧。伊勻勻仔沓沓仔；佇阮熟悉身邊四圍逐種無仝款兮氣味，猶有阮阿母喘喟的心跳.講話聲調.輕快捏跤步的節韻。我閣更學會了身軀兮動作語言含察言觀色兮眼色巧，和深深知影適時腮奶所表達出心內欲討欲愛兮物件。怹逐人掠這叫作「囝仔精」.「識代誌」.「巧生」。當等臉腔表情逐項百面愈倘應付種種需求的情勢，空靈的靈性煞漸漸下大眠睏去了。

凡勢是「罪」掠這叫作「識代誌」.「巧生」、則藏入去「我」的思維內底面，惦腦海內兮網路中急速串聯的同時嗎創造了【第二個律】，號作肉體情欲的律。親像蛇及夏蛙講：分別善惡的果子愈使得吃.吃了目睭愈剝真金，閣和上帝仝款平大有聰明智慧而且無一定愈死的擾疑。當等我開始體貼肉體的時袸，剎那間；撒旦就變晟黏濁兮莫壁鬼.先拂佗拂袂離，袂輸人腹肚裡的蛔蟲，佇耳空邊仔挑動甜言蜜語，誰知牠的詭計連連.鬼話連篇，誰人又閣愈知機倘來辨明呢？實在吃力.現此時拄好及此世間合污同流的阮按怎愈記得永生真神的【第一律】呢。公理仁義.聖潔清氣離阮越來越掉遠，飲了濟濟嘴蜜甜、腹利劍的糖水兮阮，敢閣飲下落喉真理的清泉啊！無拍算掠準佇更較內層的斗底，比潛意識更較裡面的心靈的我即時醒悟暫滯徛起的世間，不爾過是五花十色臨時堆砌起造的舞台兮扮演爾爾。當等曲終人四散兮跤兜亦就是歸回；靜靜傾聽空靈的喊喝則知影無絲毫瑕疵的感覺。


無絲毫瑕疵的感覺，親像蔚藍色萬里的晴空所飄浮佇雲層和雲層純白的棉絮，親像是山巒和山巒兮空口遠遠拂臉陣陣的清風，天潽光含苞花蕊搖曳晶瑩剔透..早起時的甘露水。親像無攔截無掩崁奔流直瀉的飛泉瀑布，朦朧艷麗兮七彩虹天，閣敢若嬰仔無邪天真兩蕊空靈兮目睭，躺惦阿母的胸脇享受食乳了後滿足的恬靜；熟眠兮時所顯露出深邃的沉靜與平安一樣。彼款安詳袂輸曲捲佇媽媽子宮裡的嬰仔此即般兮寧靜，長長的臍帶連接著滿足勝過飄浮在雲層之間的棉絮。

【當阮睏佇搖笱內】 時至今日，彼落情景撿採係阮昨冥逝去的夢境了。真正係映望我依舊在昔的睏佇搖笱內，目睭看著厝頂樑脊的瓦片投射出來的柱型光體，想像創造者藉著阮愈得理解的方式惦佇充滿微塵的光兮裡面給我講，毋免刁持出力恰思維恰探究，乾旦專專投靠，真實的倚靠。佗欲像早前保羅佇大馬色的路頂有大光照著他的雙眼，並且隨後佗開啟伊心靈的目睭。咱倘明白聰明.才智不爾過是對應世間的叢林法則所必要慣練的技巧和面具，屬佇神的國度裡底並無需要，若有的只是回轉親像嬰仔彼即般空靈的清心去迎接天國的臨到爾爾啦。

【當阮睏佇搖笱內】 此站、阮親像倚近著.袂輸去鼻著天國的氣味呢。