台文戰線聯盟

風颱情淚

.

若混世魔君再臨兮屈勢

怹一直咧演播通輯伊......。

.

專業兮化妝師嗎上修汝

點脂畫眉兮面腔 .含汝

可能 .送君珠淚滴兮虛情假意

參三斤半重目屎兮大水。

.

連鞭閣撓疑;

鄙相伊是穿百景裙兮半男娘

抹烏兮電視頂 .講及若親目看見…

.

袂前袂;像紅塵中酒場粉蝶娘

先號即個「風聲捧影」兮名互恁鼻

啥人知影 .頓跤趒蹄

著急欲搜揣賊冤家兮蹤影

啥人知影 .搬山過嶺

有時娘婢依倚情仇結球兮無奈

啥人知阮 .來無通知去毋相辭兮堅持

啥人知阮 .千里迢迢心肝掠坦橫兮志氣

.

啊!管汰恁去死

甭見怪阮歹心毒悻

我來是欲;

人掠厝拆雞仔鳥仔掠及無半隻

若欲怪;

佗怪恁自將可惡薄情郎導去藏匿

啊!管汰恁去死

甭見怪阮歹心毒悻

若欲怪;

佗怪恁自將路旁屍跤骨大細支兮害人精

放予去逍遙歸四界

是恁先無情;毋倘怪阮害天理。

.

2010.9.20佇高雄. 風颱歇無薪假.中晝傷閒之作

檢視次數: 87

意見

您必須是成員才能發表評論!

加入 台文戰線聯盟

© 2020   Created by 胡長松.   管理小組

成員徽章  |  報告問題  |  服務條款