台文戰線聯盟

某年某月某日兮淺腹雜記

即首歌兮歌詞按怎起筆……
冊中詩人澎湃兮情感袂得倘收煞呢。
亦是哈瓦那纏綿欲絕兮情歌,
一直惦電視腳放送.巴西迷醉兮旋律。

沒的確逼近中年兮阮猶沒夠資格談論「人生」二字。
盈暗,牽手吓又閣發明即種俗俗健康兮雜菜麵,
對付著現步逐項攏有「黑心」兮品質兮世代。
佇導領飯前祈禱了後,幸福兮滋味開始湠開,
親像茶葉兮香喟,特別是大雨捏造暗冥兮氛圍。
咁相信有幾個烏手工敢夢想著詩人兮夢想,
我想鑿仔及拱搥應該閣恰合舒啦。

現不打牽手吓喝聲咧交代
掼三杯薏仁紅豆佮一包五斤裝兮白米囥惦冰箱冰;
閣講冰過兮白米煮起來卡好吃兮一篇大道理

當等阮翻身起床放尿,
沒拍算即寡雜念咧拍箍,唔放我煞
水電瓦斯大門巡煞了後,
連鞭佗夯筆凊采佐佐咧,即陣
淡薄兮憨眠 淡薄兮空靈 淡薄兮清閒
致意身邊兮親人歸巢攏咧安眠兮時袸,
關係即首歌兮詞欲暗怎寫,阮想
明那載诸個草稿盤盤咧閣加油添寡醋
暙兮佗是矣;准講唔是嗎沒法度;
倘講是囝仔咧辦公家伙仔嗎爽啦。

檢視次數: 168

胡長松在3:15pm對2009 九月 21的評論
這款詩唸著有 suah-phah的音樂性, 真有意思.
關係用稿的代誌,我頂回有寫批過去, 毋知敢有收著? 請看覓咧....
王立信在2:04pm對2009 九月 22的評論
長松兄即款三番兩次兮鼓勵.心肝頭不由得一陣燒烙.亦感謝台文戰線聯盟諸位勇士好友接納支持.敝人才疏.電腦閣沒熟.有時回覆較拖沙.敬請包函。

意見

您必須是成員才能發表評論!

加入 台文戰線聯盟

© 2024   Created by 胡長松.   管理小組

成員徽章  |  報告問題  |  服務條款