牽汝的手；我的愛人同志

牽汝的手；我的愛人同志

我的思念親像流星劃過天邊兮彼支掃帚尾閃閃爍爍
掃帚尾結晶的光彩是看透我家己固執的人生觀及自我歷史觀點
可比落雪的冬天形形色色的六角形體雪的傘花一直直底偷看
佗趴佇眠床邊兮窗仔口一直塊偷看看我夠融去
嗎像透早埕仔口老榕仔欉葉尖的露水滴滴佇伊等待亦鬚邊
尚且掠袂住新兮思念夆拍斷抹輸慢慢仔佇宇宙中老去兮自轉的地球
這是欲按怎講呢！佇我兮行住坐臥.喜怒哀樂中霧霧無明啦
有時靈機一閃感動變少熱情也變薄啦顛倒是雜念反起翻倒恰濟呢
懟伊兮愛情雖然沒有少年時代兮熱情毋拘心適兮是頭鬃愈白
漸漸老花兼散光兮目睭煞愈來愈注神佇伊檢查出來的肝指數及糖尿
及伊那來那稀微亦身軀啊！
汝懟我兮疼！我比啥人佗閣卡知影阿若欲解釋我佮別人生命中的交纏
我兮愛人同志；牽妳的手將近30年嘛睏破三領蓆
佇遮我奉主的名摸心肝無影無隻兮代誌祇是一陣的風聲

檢視次數： 198