山的聯想

[王立信]

山的聯想

山兮平生傷 冗冗長
我兮閣嫌 瀝瀝落落
佗以山兮大名暗念
三不五時映山行徙去
探頭 搜揣新綠兮藉口

洗蕩歸身軀 莫名兮瘴氣污穢
含緊張了後青筍筍 繃繃兮氣色
調和著青翠草木的幽默
生性愛拍笑科 博謔的你
覓看伊平常時 陰鸩陰鸩
嗎暗暗歡喜 歸群鳥隻
佇頭殼頂 吟詩作樂
嗎心色愜意 遍地走獸
惦耳邊摒變 恩仇快意


山像古錐 婀娜多姿的姑娘仔
定期的 坐擁全身新兮粧飾
癡笑巴黎米蘭流行時尚
四季的原創
只是抄襲山的大肚量

我整裝待發
山卻老早凊粥便便咧聽候
阮羞愧伊 集雄偉兮包容含
老實兮智慧

當我夯目映山
啥儂係汝兮靠山
阮兮牧師安呢講。