台文戰線聯盟

生態的文學,文學的生態  /胡長松


【台文戰線第17期 編輯室筆記】

生態的文學,文學的生態  /胡長松


國際性的氣候變遷高峰會這個月佇哥本哈根召開,會議主要討論減碳目標,希望各國接續《京都議定書》的精神,會使有新一步的國際共識,毋管最後的結果佮過程的國際政治算盤互相按怎拍,這背後有一个尚基本的意義就是,生態已經是牽涉著人類生命敢會使延續落去的一个無法度避免的問題,而且愈來愈緊急,咱愛共地球位咱家己的手裡搶救轉來。咱嘛會使發見生態的問題根底,時常有政治、歷史、殖民的因素咧牽纏。

佇哥本哈根氣候變遷高峰會前的11月21日,台灣嘛有一个重要的會議佇國立台灣文學館召開,就是台文筆會的成立大會。這個筆會成立的過程,筆者佇這期的一篇文章內面有筆記落來,毋過佇遮對比來論的,是這个會議的精神之一,就是欲團結各界所有台文作家的力量,共台語位殖民者的手裡(甚至位已經異化的家己族群的人的手裡)搶救轉來。母語/母語文學是土地族群文化的具體面,台語的死活當然嘛是嚴肅、緊急的議題。

生態的議題牽涉的是咱身體的活命,母語/母語文學的議題牽涉的是咱靈魂的活命,二項攏真重要。

今年,鄭福田文教基金會舉辦生態文學獎,設台語詩組,按呢的計畫,實在是兼顧咱的身體佮靈魂的活命的真好的代誌,筆者真感佩這款的想法,確實,生態毋是干焦鄭氏基金會背後的太陽能產業愛關心的議題爾,閣較應該是全民的議題,是台語文學家的議題。這是生態的文學,值得咱致重。

另外一方面,咱攏知影,生態體系咧討論生產者佮消費者,生態的問題,濟濟是位尚高層的消費者(人類)無底止剝削低層的生產者所產生的;消費者的生命倚靠生產者,毋過,生產者會使生湠的肥底,suah予消費者過度的欲望糟蹋去,進一步造成消費者本身生命的危機──佇台語文學敢毋是按呢?咱愛斟酌:敢有對實踐、生產台語文學無經驗抑是無誠意的人,當坐佇生態懸層,大範大範咧消費長年參加實踐的台語文學生產者,教示人按怎寫台語按怎用字等等?這是本刊欲提出的非常嚴肅的問題。這是文學的生態,仝款值得咱致重。

所致,鄭福田生態文學獎得獎名單公佈了後,台語詩人陳秋白先生所聲明的拒絕入選公開批,佮陸續佇網路、本刊佮其他刊物發表的議論,我想,就會使佇文學生態這个角度刺激逐家來思考。文學的生態,體現佇各文學獎、文學補助的評審人選、過程、運作制度等等,對台語文學發展的方向,有一定的影響,所有第一線的台語文學「生產者」,袂使欠這款自覺。

《台文戰線》本期所推出的「第一屆鄭福田生態文學獎拒選落選詩展」作品,攏是最後無選入佇得獎作品的詩作,囥佇遮展出,一方面是為著予有意思比較台語「生態的文學」的朋友得著較全面、正確的圖像(該獎得獎作品集已經出版,有興趣者嘛會使佮主辦單位連絡);以筆者的眼光來看,遮的作品咧討論的,已經毋干焦是生態現象的表面,濟濟是針對台灣生態問題背後的殖民歷史這个生態的病根的批判,無全面來讀,對讀者是真可惜的代誌。筆者嘛欲提醒,造成這个台灣生態問題的殖民者佮造成台灣母語流失的殖民者,是仝一群人,阿到今一直毋放棄北京語殖民官話寫作的人(甚至濟濟自稱本土派文學人士),既然看袂清楚,寫作的事實猶是毋願棄絕佮殖民者仝條水,早慢,攏愛面對這个殖民文學生態的歷史。當然,這个專輯嘛是欲提醒所有台語文學的「生產者」:毋管得獎無得獎,台語敢閣有向望,台語文學的逐枝草枝欲按怎佇家己的田園生湠,只有倚靠家己拍拚長,毋是倚靠高層的「消費者」敢欲消費你。

咱做伙加油!

2009/12 佇內惟

檢視次數: 147

唐 秉輝在6:51am對2010 一月 27的評論
殖民生態問題 chham 生態的病根

這些相互不連貫的變化是控制在有關審議運作層面的精英決策
這些相互不連貫的變化是控制在有關審議運作層面的精英決策

''只有517盛大遊行/大拜拜及518[按時下課],

[88水災的輕忽防災於先;大意救災於後,

更阻止外援欺上瞞下,傲慢鞠躬十秒於後]

後來的[美國毒牛全面開放進口],

[與中國MOU的偷偷摸摸簽訂],

[中資大舉入侵炒房/炒股],

[ECFA黑箱作業;橫材入灶],

[視15萬公投連署如糞土]''



可 悲台灣文化沈重地承繼了



太多中國文化之劣根性



歷史證明以下 :





看北蠻八旗小部落



就能有效地統治百倍



人口的漢人近三百年那麼久 、













統治精英靠的通常是歷久猶新的



以夷制夷及和番之類的慣例策略!











因此這種 老策略之所能影響 是



因中國文化深根 在台灣人心; 加上



統治精英善用威脅利誘的高招!



明顯的難以衝破統治精英



利益集團的高厚圍牆!







因為牆外人的本質與牆內的



統治者如比較之間的 本質

兩者也相差不多



但一比較所掌握的資源,

二者就不成比例



造成輸或贏的結果有些不同 :


殖民生態問題 chham


生態的病根 !!







結論 :這不表示現狀不能改變、



冥冥中有 God 導向歷史的大手



來控牢牢歷史的循環及回歸方向!

一旦你失去對上帝的信心, 將是一大錯誤!


所應做的是認 真扑拼來繼續努力生湠



救 生態的病根 ~ 救 台反併吞,

救 台語文學, 救 台灣來建國!

意見

您必須是成員才能發表評論!

加入 台文戰線聯盟

© 2019   Created by 胡長松.   管理小組

成員徽章  |  報告問題  |  服務條款