宏動武林的部落格 (3)

一領汫chhiⁿ色的門簾仔

閘著皮包骨的身軀

病床像肉鉆 在人翻反

破病敢猶有尊嚴

 

針頭起起落落的薄皮

揣一个生份的所在  落針

一筒一筒的射水

注入家屬的向望

綴著血的循環

透早到晚

一工復一工

等待 奇蹟

 

坐惦會當彎蹺的看護椅仔頂

恬恬看著病房裡

奇奇怪怪的hoses 管含電線

一條一條絞纏入被單內

像外星人仝一般

鼻孔用sàng素喘喟

一條軟管ǹng到腹肚

食配方牛奶

嘟 嘟 嘟 的儀器聲

節奏穩定齊勻吼

想欲共人講 伊攏無休睏

 

窗外…

貳仟空捌
天地顛倒踅
chhōa尿換滲屎
台灣到底欠啥ê債

講過兮白賊話
喙開 逮風飛
白紙烏字 硬柪
烏龍踅桌 未歹勢
士農工商 無分大細
    苦茶
   一人一杯

內政 外交 經濟
愈舞愈狼狽
統一 和平 夯即支大旗
共百姓當作大禮
割肉飼虎
甘願作人ê傀儡
想欲問  
咱到底是啥人ê
  
四年得欲過
舊傷抑未堅皮
孔喙豉鹽 食飯用屎耙
癢兮毋扒 無癢兮jiàu kah流血
台灣兮  即塊土地
當時才會當換新皮

老農津貼按怎加

公平正義添三佰

in兜一斗加三葩

咱人嗍風道會飽