夭壽好个厝邊.

[王立信]

夭壽好个厝邊

 

正手傍兜；

洗牌笅聲佇耳邊陰風慘慽

逐透冥像熾爁个雷

左手傍兜；

狗螺畜牲哮父哭母聲聲悲絕

好厝邊久長以來个積德

忍耐 阮何德何能 墜落

人間煉獄自拔不能 超生無望

正左兩傍厝兜 袂輸；

烏白二無常 牛頭馬面無時則定

佗連 里長伯仔有喙無瀾个捲螺仔舌

菩薩心腸佗故意排解 暗槓阮个眼界

天啊地啊 鱟桸仔飯篱啊…

解嚴後个馬鞭 倏一下

行夠將時時勢；

詩人个飯碗這陣足歹捧

實在吞無啥愈落此款境界

 

人講遠親不如近鄰；

疼厝邊親像家己个音聲惦耳空櫃仔

不時哀哀叫……。