心

[王立信]

細漢兮阮；嘸知半項
父母感情是猶未點灼兮
火藥庫.冷凍庫.機關倉庫
阮兮心；盤山過嶺。

少年兮阮；嘸知半項
查某朋友感情若春天後母兮面色
看佗出日頭.連鞭起黑陰
阮兮心；盤山過嶺

歲頭半百兮阮；嘸知半項
時勢變遷.失業揣頭路親像
三工咧掠魚.兩工咧晒網
阮兮心；盤山過嶺

棺材佗鑽歸過兮阮；嘸知半項
人生歸宿關係信仰問題干若
桃花過渡.起起落落
阮兮心；盤山過嶺

終其尾.好哩佳哉；阮知
掠住主耶穌.跟隨伊兮跤步
嘸管景遇如何.伊猶原坐咧作王
阮兮心；風平湧靜。



-投稿文