阿爸仔失禮啦;(鐵觀音亦故事)

[王立信]

阿爸生我兮時佗已經歲頭仔45,父老囝幼.所以對我玆個頭上仔囝惜命命,驚我枵驚我寒.抹輸掠我比阿母佇伊兮心目中閣較重要.印象中阿爸逐盈暗攏愈去鬧熱街仔買麭轉來互阮佮小弟食,佇澎湖,海口人暗時較無什麼倘俥花風騷的所在.所以七早八早佗去睏,抑若我是佇逐擺食飯時間,逐擺(嘟龜).阿母佗抱阮先去眠床睏,佇庄跤蠓蟲較厚.家家戶戶攏愛褡蠓罩。阿爸佗將阮上愛食的菠蘿麵包.囥佇蠓罩頂.若是到半瞑晡睏醒腹肚枵兮時.目睭剝金佗看愈著.我即面吃.即面都猶袂精神咧！唔閣彼種滿足兮感覺.到今猶原抹曉倘形容呢！
愈記得五.六歲兮時.毋知按怎有即擺講話和阿爸應嘴應舌.惹阿爸誠受氣.幾那日無愛參阮講話.總是每擺靠近阿爸身軀邊想欲及伊會失禮,阿爸攏當做無看著啦。阿爸從來佗毋曾拱我,連罵佗誠少誠少.澎湖話講(金含糖霜丸係心肝仔寶貝兮意思)予阮一時嘛毋知欲按怎者好。.
阿母佇邊啊看甲袂作哩,佗叫阮夠伊身軀邊講,阿信啊:無彩恁爸遮爾疼你.你這擺足傷伊的心呢.阿母給你講;阿母泡一甌燒茶予汝.汝捧去予恁爸仔飲.閣給恁爸仔會失禮.知影無.知啦;我應講.過無外久阿母用鐵觀音茶葉泡佇保溫杯.然後捧來互阮,接手了後,我佗雙手捧去夠阿爸仔兮面頭前.佗猶抹開聲咧.阮佗大聲哮出來啊;「阿爸！失禮啦」！阮阿爸仔心肝一下軟,一手接茶甌.一手搓我的頭殼.兩個父仔囝佗按呢攬攬作伙啦.彼袸阮頭殼頂兮烏雲.煞歸下清起來啊呢！
夠旦想起來;其實這一切兮情景阿爸攏有眼著,伊老早佗想欲原諒我啊啦.。