by Master 李南衡 : 英國囝仔真gâu講英語
亂挨亂唱ê台語 by Master 李南衡 : 英國囝仔真gâu講英語
前真少人會tàng出國，有一遍阮老師˜知參加啥物團體出國考察歸個月，轉來ê時向全校師生發表考察心得。伊第一句話就講：「我去英國考察印象上深ê，就是看tiõh英國五、六歲囝仔tiõh真gâu講英語。」全場ê人笑kah險險反反過去。我隨時想起一個笑話，一個˜知做啥物大生理ê總經理，去一tsüa美國轉來了後，講美國是偌呢好額ê國家，伊講，佇美國連乞食mä suh洋煙。無咧，無beh suh啥煙？彼當時，我相當幼稚ê想法，認為阮彼位老師是teh kä阮裝siáu-ê，英國囝仔當然mä真gâu講英語，tse也tiõh你講！
假使阮老師彼陣若講，伊佇英國看tiôh英國囝仔攏真憨慢講英語、講kah不答不七，不過in講法語講kah誠súi。我一定會想講：世間那有tsiah離譜ê代誌？當然，事實上英國無tsit號代誌。
但是，世界上確實有tsiah離譜ê所在。‹是遠在天邊，是近在眼前ê台灣，大部分ê囝仔攏bë曉講家己祖先留落來ê話，in大部分攏干單會曉講殖民統治者教in講ê話。Koh khah奇怪及悲哀ê是，連一寡大人、特別是住佇大都市ê大人，講三五句話就一定透濫兩三句殖民統治者ê語言－華語、抑是叫作中國ê普通話。已經真少人有法度講in祖先留落來ê話講十分鐘，攏mài透濫華語。莫怪前客委會主任委員葉菊蘭會緊張講：台灣原住民各族語言已經tùa佇加護病房、客語已經teh急診、Holo語mä已經teh掛號ah！
Ùi tsit點來看，咱bë使無佩服中國國民黨殖民統治者ê厲害，同時咱mä bë使無對全體台灣人ê奴隷性感覺悲哀。
客語及各族原住民語，我無研究，˜無敢烏白講。我beh講ê母語干單指「台語」－有人講是台灣ê Holo語。我˜敢期待一般ê台灣人傷懸，我講一寡人講台語講了無好勢，是特別指hiah-ê靠講話食飯ê人，也就是指一寡佇電台、電視台講話hiah-ê專業ê人、一寡政治人物、特別是有需要選舉、專工學一寡台語來騙選票hiah-ê人。照理講，in講ê台語應該講kah真正確才tiõh。無！in講ê定定是「亂挨亂唱ê台語」。
台灣人會講出「亂挨亂唱ê台語」，mä ˜是茹chháng-chháng花kô-kô，好好kä研究，mä是會tàng尋出總頭，上大ê總頭，就是幾十年來中國國民黨殖民政府佇台灣強制推行「國語」－中國ê普通話。致使台灣囝仔佇學生時代真少有機會講台語，語言久無講就會生疏。因為中國ê普通話傷過強勢煞影響台語發音；而且台語及中國普通話有真濟無仝ê約定俗成講法及語法；Koh再來是台語有文白發音ê分別，等等原因。我kä經常khah會講˜ tiõh ê台語蒐集起來，作一寡分類、分析、mä順續舉一寡例，一期一期佇chia發表，h³逐個參考。
最後我beh 提出一個問題，請你囥teh心肝內，無代誌ê時陣提出來罔思考：是講「英國囝仔真gâu講英語」khah好笑？抑是講「台灣囝仔bë曉講台語」khah好笑？
標籤： Master, 李南衡, 台語
分享
前真少人會tàng出國，有一遍阮老師˜知參加啥物團體出國考察歸個月，轉來ê時向全校師生發表考察心得。伊第一句話就講：「我去英國考察印象上深ê，就是看tiõh英國五、六歲囝仔tiõh真gâu講英語。」全場ê人笑kah險險反反過去。我隨時想起一個笑話，一個˜知做啥物大生理ê總經理，去一tsüa美國轉來了後，講美國是偌呢好額ê國家，伊講，佇美國連乞食mä suh洋煙。無咧，無beh suh啥煙？彼當時，我相當幼稚ê想法，認為阮彼位老師是teh kä阮裝siáu-ê，英國囝仔當然mä真gâu講英語，tse也tiõh你講！
假使阮老師彼陣若講，伊佇英國看tiôh英國囝仔攏真憨慢講英語、講kah不答不七，不過in講法語講kah誠súi。我一定會想講：世間那有tsiah離譜ê代誌？當然，事實上英國無tsit號代誌。
但是，世界上確實有tsiah離譜ê所在。‹是遠在天邊，是近在眼前ê台灣，大部分ê囝仔攏bë曉講家己祖先留落來ê話，in大部分攏干單會曉講殖民統治者教in講ê話。Koh khah奇怪及悲哀ê是，連一寡大人、特別是住佇大都市ê大人，講三五句話就一定透濫兩三句殖民統治者ê語言－華語、抑是叫作中國ê普通話。已經真少人有法度講in祖先留落來ê話講十分鐘，攏mài透濫華語。莫怪前客委會主任委員葉菊蘭會緊張講：台灣原住民各族語言已經tùa佇加護病房、客語已經teh急診、Holo語mä已經teh掛號ah！
Ùi tsit點來看，咱bë使無佩服中國國民黨殖民統治者ê厲害，同時咱mä bë使無對全體台灣人ê奴隷性感覺悲哀。
客語及各族原住民語，我無研究，˜無敢烏白講。我beh講ê母語干單指「台語」－有人講是台灣ê Holo語。我˜敢期待一般ê台灣人傷懸，我講一寡人講台語講了無好勢，是特別指hiah-ê靠講話食飯ê人，也就是指一寡佇電台、電視台講話hiah-ê專業ê人、一寡政治人物、特別是有需要選舉、專工學一寡台語來騙選票hiah-ê人。照理講，in講ê台語應該講kah真正確才tiõh。無！in講ê定定是「亂挨亂唱ê台語」。
台灣人會講出「亂挨亂唱ê台語」，mä ˜是茹chháng-chháng花kô-kô，好好kä研究，mä是會tàng尋出總頭，上大ê總頭，就是幾十年來中國國民黨殖民政府佇台灣強制推行「國語」－中國ê普通話。致使台灣囝仔佇學生時代真少有機會講台語，語言久無講就會生疏。因為中國ê普通話傷過強勢煞影響台語發音；而且台語及中國普通話有真濟無仝ê約定俗成講法及語法；Koh再來是台語有文白發音ê分別，等等原因。我kä經常khah會講˜ tiõh ê台語蒐集起來，作一寡分類、分析、mä順續舉一寡例，一期一期佇chia發表，h³逐個參考。
最後我beh 提出一個問題，請你囥teh心肝內，無代誌ê時陣提出來罔思考：是講「英國囝仔真gâu講英語」khah好笑？抑是講「台灣囝仔bë曉講台語」khah好笑？
標籤： Master, 李南衡, 台語
分享
意見
您必須是成員才能發表評論！
加入 台文戰線聯盟