台文戰線聯盟

眠夢中織兮情網;甘仔蜜

恁號作啥阮無增差
佗隨順人兮印象互感情理性家己相摻
眠夢中織兮情網
無起頭路尾 無安可 無痕跡
純然私家大哲理 菜市仔啟示
友欸;恁敢曾抵過茲落代誌
隨諸特客 阮叫伊作「甘仔蜜」

準講現此時追趇洶狂兮筆尾掠著
思念兮吻仔魚猶偆淡薄臭腥鱻
毋閣夯筆彼當陣茫茫兮腦智佗猶未齊清醒咧
撿採愕影彼領若蟬仔兮翼股薄薄情網
予意識流兮利刀毀歹去

「甘仔蜜」
伊毋是形容詞 是耀目兮果子
係阮心窗兮映望 斗底兮實相
無拍算織兮情網 有站站兮小故事
親像初戀滋味 友誼甘甜 人生崁站兮扶持
免撓疑 順筆尾感動兮蚼蟻徙去敢若針底威佗是

阮嘛刁持倒問恁 思念深處旋律兮秘「蜜」
彼首無凊采彈予人聽兮心弦 勇敢顯明伊
不爾過百面百面 號名「甘仔蜜」。

檢視次數: 109

意見

您必須是成員才能發表評論!

加入 台文戰線聯盟

© 2022   Created by 胡長松.   管理小組

成員徽章  |  報告問題  |  服務條款