吐大氣

[京城]

 

寒冷的暗暝，憨神憨神偎佇窗門仔邊
一塊冰冷的膨椅，一蕊孤單的花蕊。
 
手提紙筆寫著你名字，心情無喜煞帶悲
怨嘆兩地隔相思，青春盡褪奈何天
目睭向著你的城市，問月怎樣來創治
用笑容麻痺自己
。。。。。。
痴。。。無藥醫。

 

手捧酒杯一啄擱一啄，苦澀無味的啄舌
看著杯底失神的家己，親像蝴蝶困佇蜘蛛絲
揣無所在通匿，飛袂出情網糾纏
打袂開心裡的鎖匙
。。。。。。
憨。。。吐大氣。