信仰詩【4】佇加利利海邊兮彼得

[王立信]

佇加利利海邊兮彼得

放浪興風血氣勇
錨碇算計勝天謀
橹搖拋網水深處
身疲更深載重露

誰能示我浮沉海
得人如魚滿倒栽
風聞神人三一格
新天新地霞光彩

誇口錢銀阮沒份
充實靈糧飽足富
醫病趕鬼賜權柄
奇妙策士配至尊

[胡長松]

回應詩：

我佮彼得的魚網　／胡長松

我的魚網
無魚，經過規暝的拍拚
面前的紙
猶是空空的
網佮大海

已經經過2000年
我看見彼得猶閣徛佇海邊

你是誰？
敢講拋網的屈勢嘛愛你差教？

一个聲應講：
若無，這字是位佗位來的？「伊」
按怎浮現佇你的目前？