意見領袖

[王立信]

意見領袖

難產麼!
金金相著 七孔拍結兮臉龐
佗攏熟練喘喟 調息的環節啊。
吸喟，吐喟。吸喟，吐喟。
係怎樣哀吼聲這呢慘悽。

陣陣催生的門縫裡
嘖嘖嘖喝疼啊
超音波影像 胎位點出
通口空喙兮急迫
兩指縫.三指縫.四指縫……
煞猶原佇 順其「自然」抑是剖腹
急及毋急之間咧探踅無路
兩造鮮明兮戰鼓佇暗中 嘀嘀咕咕
創啥貨猶閣 搖旗不定
哎喲 連風佗抑亂了套啊。

油飯亦紅蛋 ；應當是歡喜囝仔
出世兮「彰.瓦」慶事吧
啥!怎劇變成DNA驗明正身兮下場
誰是！阿囝兮俺爹？

誰儂攏毋敢正面看紅嬰仔皮膚色
無定著 妥協嗎算袂「嫫」的選擇
有奶佗係阿娘……
佗是「好的物件」。