予石山老師兮玆張批
予石山老師兮玆張批
石山老師如晤:
11月初承蒙阮教會吳俊雄長老娘.葉美惠老師好意送阮此本「看牛囝仔」兮冊,石山先生大作互阮如獲至寶,感受卻是近鄉情怯，來人不敢問兮心情，經拜讀再三,對佇冊中兮描述,懟台灣斷代歷史兮瞻前顧後,懟文化民俗甚止政治經濟，透過用生命親身行過腳跡兮進程,見證時代更替之沿革,赤子之心充分流露,令人感懷滿腹心有戚戚焉矣。,阮則拄旦國中程度兮烏手工人爾爾,閣是半山芋仔蕃薯,不爾過懟佇阮羅雅教會前任牧師顏信星兮緣故(伊懟台語兮鄉土文學有深兮耕作及映望),閣佇任內開闢「羅雅網站園地」百般鼓勵為台文爲台灣此塊土地刁持欲揣回早時兮人情義理來拍拚,煞引起阮兮興趣(附上網頂舖http://www.longa.idv.tw/)伊是蕃薯詩社兮成員, 伊也有詩文選集作品囥佇海翁文庫中，總是因為安呢受激勵鼓舞.四冬外來,阮練習夯筆,將心情,生活見聞歷練用台灣母親兮口語寫出來,咱知現時用台語文寫文章兮儂並沒濟,安呢也沒歸納出統一公同兮用詞用字,自安尼.像阮吃無三把壅菜半路修行的儂，靑瞑唔驚鎗，半桶師瀝落搖兮實驗性的文字.野花野草亂亂開,甚止佇官方正式兮公開媒體.版面抑是共款，論真實在是咱自認做臺灣儂矣共同兮悲哀。好佳哉有親像石山老師受過科班嚴轄訓練的.作拋磚引玉兮空課，倘講是中流砥柱穩住半傍江山，著實令人敬佩。旦晚輩純以讀者身分仰望,沒惜才疏斗膽寫批講出內心兮話,除了仰望懸懸兮石山吐一咧大喟之外卻什
物話攏講未出來啦,沒要緊至少亦說明阮懟台文願景兮映望,我想遮可能也是葉長老娘送我此本冊「看牛囝仔」起初發心兮緣由啦。
石山老師如晤:
11月初承蒙阮教會吳俊雄長老娘.葉美惠老師好意送阮此本「看牛囝仔」兮冊,石山先生大作互阮如獲至寶,感受卻是近鄉情怯，來人不敢問兮心情，經拜讀再三,對佇冊中兮描述,懟台灣斷代歷史兮瞻前顧後,懟文化民俗甚止政治經濟，透過用生命親身行過腳跡兮進程,見證時代更替之沿革,赤子之心充分流露,令人感懷滿腹心有戚戚焉矣。,阮則拄旦國中程度兮烏手工人爾爾,閣是半山芋仔蕃薯,不爾過懟佇阮羅雅教會前任牧師顏信星兮緣故(伊懟台語兮鄉土文學有深兮耕作及映望),閣佇任內開闢「羅雅網站園地」百般鼓勵為台文爲台灣此塊土地刁持欲揣回早時兮人情義理來拍拚,煞引起阮兮興趣(附上網頂舖http://www.longa.idv.tw/)伊是蕃薯詩社兮成員, 伊也有詩文選集作品囥佇海翁文庫中，總是因為安呢受激勵鼓舞.四冬外來,阮練習夯筆,將心情,生活見聞歷練用台灣母親兮口語寫出來,咱知現時用台語文寫文章兮儂並沒濟,安呢也沒歸納出統一公同兮用詞用字,自安尼.像阮吃無三把壅菜半路修行的儂，靑瞑唔驚鎗，半桶師瀝落搖兮實驗性的文字.野花野草亂亂開,甚止佇官方正式兮公開媒體.版面抑是共款，論真實在是咱自認做臺灣儂矣共同兮悲哀。好佳哉有親像石山老師受過科班嚴轄訓練的.作拋磚引玉兮空課，倘講是中流砥柱穩住半傍江山，著實令人敬佩。旦晚輩純以讀者身分仰望,沒惜才疏斗膽寫批講出內心兮話,除了仰望懸懸兮石山吐一咧大喟之外卻什
物話攏講未出來啦,沒要緊至少亦說明阮懟台文願景兮映望,我想遮可能也是葉長老娘送我此本冊「看牛囝仔」起初發心兮緣由啦。
您必須是成員才能發表評論！
加入 台文戰線聯盟