京城的部落格 (12)
上水的查某人
出世彼一工，註定阿母愛擱拖磨一世人
晟養阮長大並無輕鬆，烏烏的柔絲漸漸變作白頭鬃
阿母教阮愛知輕重，清清白白活在人間
聽起來真沉重，每一字每一句攏是為著我一人。
細漢 阿母甲阮攬牢牢，上愛阿母的頭毛香…
由京城於2011 二月 2 3:35pm添加 — 無評論
土角厝
庄腳的土角厝，
真久嘛真舊，
親像阿母的雙手，
乎阮幸福的溫柔，
厝邊彼叢大樹，
樹腳一隻牛，
樹枝攀過圍牆，
陪阮度過多少春秋，
思念故鄉的土角厝，
雖然看起來淡薄舊，
色水若火麩，
裡面逐項攏有，
是阮溫暖的巢，
思念故鄉的土角厝，…
繼續由京城於2010 四月 4 9:00pm添加 — 無評論
傷心圓
是阮佇咧算日子
一工若過去
阮著畫一咧圓
圓若滇 相逢到底佇何時
中秋兮暗暝 月娘出來巡視
別人雙雙對對
阮是孤鳥插人群感覺多餘
雖然阮有你送兮手指
這陣你煞無佇阮身邊
壁頂兮圓親像是孔嘴
數字著是斷腸詩
目屎留乎我家己
孤單一咧人嘛無所謂
由京城於2009 十二月 13 12:25pm添加 — 無評論
查某人佮貓
一个獨身女子
一隻貓佇遐蹲
靜靜等待 查某人溫柔兮雙手
一頂眠床一卡衫仔櫥
衫褲二三ㄕㄨ
四面壁一間厝
一領舊破衫 貓仔拖來咧作巢
孤單兮這咧女子 夜霧罩佇伊四周
情歌家己唱 卡唱嘛彼句
寂寞兮歌詞
孤單兮這咧女子 一隻貓仔攬身軀
聽伊講心事 緣分真歹拄
強求留無久
由京城於2009 十二月 4 8:43pm添加 — 無評論
生死簿
媠媠兮蕃薯仔塊（語音：ㄎㄡ）
一夜之間親像入炭庫
山河變色柔腸寸斷奈何苦
惡水淹過阮行兮路 目睭看著兮攏是土
蕃薯仔囝平安快樂
青山綠水宛如一幅圖
天公伯仔甘講你抑會怨妒
欲走袂付打招呼 莫非名字 閻王早就記佇生死簿
目一睨兮時間 親像摔落黑暗兮坑崁
目一睨兮時間 已經找無身邊兮親人
美麗的家園 想欲擱再媠 比登天擱卡難
失去思念的人 哪會袂毋甘
留佇世間的人 聲聲怨 苦苦嘆
天色漸漸反光 悲情兮彼一暝這呢長
目屎流乾嘛無路用 喚不回紡見兮靈魂
心平靜 秋去冬來自然會轉回春
由京城於2009 十二月 2 5:30pm添加 — 無評論
阿母佮煎匙
看著灶跤有人佇咧拭桌椅 削瘦兮身軀孤柴一支
風若吹 阮 驚伊會敧
桌頂準備好食兮料理 款好碗佮箸
看伊一身衫褲摻著流汗水 煮好兮腥臊有愛兮滋味
即款日子 伊 過甲真歡喜
伊兮一生 親像鼎底兮即枝煎匙 毋管佇佗位
總是愛翻來翻去 為著一个家認真咧維持
伊兮一生 親像鼎邊兮即枝煎匙 等待後一次
用心貢獻伊家己
註解
煎匙：炒菜鏟子 款好碗佮箸：準備好碗和筷子 灶跤：廚房 敧：歪倒 腥臊：菜餚豐盛
●
伊兮愛親像白滾水 無色擱無味
無論咱佇佗位 伊兮心肝永遠綴佇咱兮身軀邊
出外兮流浪兒 雖然艱苦無比 暗暗珠淚滴
若是想起伊 委屈變流水 心酸變甘甜
若是不如意 伊是咱上大兮勇氣 為咱全心全意
夯頭看著伊 烏頭鬃變白絲 伊嘛會堅持
啊...阿母兮愛無底比
啊...阿母兮愛… 繼續
戇阿母
為著明仔載兮早頓做準備
一塊碗配一雙箸
三二手著款好芳貢貢兮滋味
熱人是流汗滲滴寒人冷吱吱
為著這个家毋捌有怨語
春夏秋冬一年四季
為著儫生囝兒艱苦抑會心花開
伊就是阮兮戇阿母
嫁來阮兜已經幾若年
手腫頭仔空空無啥物
頷頸嘛無金熾熾
伊講穿金戴銀歹作穡
留予一家人快活這對時
伊就是阮兮戇阿母
為家為囝無想為家己
雖然毋捌半个字
伊有一篇人生大道裡
祈求神明佮阮鬥保庇
戇阿母會當健康食百二
由京城於2009 十月 30 7:29pm添加 — 無評論
揀字紙兮阿嬤
身軀衫褲有補過兮痕漬 一个揀字紙兮阿嬤
推著一台三輪車 揀一點點仔字紙過生活
一頂草帽仔烏甲破 蹺痀形影身軀全是臭酸汗
天氣炎熱 火燒埔兮點仔膠
鞋仔破 腫頭仔走出來看
若是落雨 毋知甘有雨幔遮
三不五時 著愛黏雨水相依偎
孤單兮媽媽 啥人忍心放伊受風寒
為著三頓咧拖磨
勇敢兮媽媽 做人序細咱著愛知影
咱兮序大毋是即款命
有孝毋免大聲 定定做予大家看
台灣-好所在
蕃薯仔囝可愛古錐，勇敢就是汝兮名字
是阮佇遮落地生根兮堅持
攑頭看天，跤踏咱兮地，台灣是咱兮心肝寶貝
踏佇祖先打拼兮心血，汝咱兮緣份無算短
一點一滴溫暖佇心內底
啊～ 即个有情兮好所在， 美麗兮新世界
幸福會佇每一个人兮手內
啊～ 即个有愛兮好所在， 一代傳過一代
予台灣即个名字， 刻佇腦海內， 留佇全世界
由京城於2009 十月 27 9:10am添加 — 無評論
阮頭家
講阮佮伊真適配 一支茶壺配上一塊媠茶杯
人講查某人嫁雞綴雞飛 頭仔惜阮親像寶貝
全權處理兮厝內底 我用溫暖兮幸福來代替
一家之主兮椅仔讓我坐
發落厝內大大細細
為你煮飯洗衫 阮嘛願意做
手捧酒一杯 神明面前講詳細
頭仔 毋管以後你會頭毛鬍鬚白
阮會講 甘願用我兮青春 陪伴咱兮家
緣份將咱綁做伙一生一世
我是天星你是月
一世夫妻行同齊 同甘共苦過
今年又到尾 年底過了換年初
頭仔 你講欲佮阮攬佇心肝底
阮會講 雖然疊你兮姓 阮嘛袂後悔
由京城於2009 十月 26 3:00pm添加 — 無評論
思念這呢厚
一片青蘢蘢兮秧仔 隨風飄搖
秧仔若欲變稻仔著愛等時候
阿爸 踦佇即面兮田岸頭
巡到田尾兮水溝
這呢大粒兮日頭 汗水嘛筘筘流
即嘛兮少年人毋肯做兮穡頭
阿爸 五十幾歲兮歲頭
看起來已經真老
十外年啊 想起著…
世事乎人料想袂到
阿母等待阿爸食飯兮中晝
無情兮天公伯仔 雄雄拆散阮一家口
失去老伴兮阿母強強欲擋袂牢
十外年啊 阮看著…
爸子緣份斷了後
夢中阿爸猶原遐爾緣投
甲阮夯佇肩胛頭
阿爸 甘知阮對你思念這呢厚
囥佇厝角彼枝鋤頭
孤單無伴親像嘛咧哭…
