上水的查某人

[京城]

出世彼一工，註定阿母愛擱拖磨一世人
晟養阮長大並無輕鬆，烏烏的柔絲漸漸變作白頭鬃
阿母教阮愛知輕重，清清白白活在人間
聽起來真沉重，每一字每一句攏是為著我一人。
 
細漢 阿母甲阮攬牢牢，上愛阿母的頭毛香
阿母知影我愛佗一項
愛聽阿母唱歌，歌聲溫柔迷人。

有時陣，我會惦惦看偷偷望
阿母絕對是上水的查某人。
 
大漢 出外打拼有央望，有時陣會心煩心亂
阿母教阮凡事愛勇敢
認真打拼，將來才袂有遺憾。

三不五時欲做一個想厝的人
有一工，攬佇阿母的喉頸，擱再鼻著頭毛香
雄雄看著阿母的頭鬃
鬢邊的白頭鬃，乎阮真毋甘
攬佇身軀這個人，阮上愛的人。