台文戰線聯盟

加害者按爾講

 

伊 現苦主面容 親像聞聲救苦……

加害者無辜講:

怹係家己無喟 抑是自然死矣

前矣;係怹貧憚喘喟.後矣;係怹歲數該終

環境註定兮代誌 恁攏昧使怪我啦

一切兮一切 係伊自由意志選兮黃泉路

恁明明看見;

伊無夆逼 我嗎無加害

我 乾旦提供索仔.砒霜.絞刀.火炭…

暗示無算教唆吧!

 

唸是愛伊好.降目尾是愛伊魅醒

跟蹤是安危關心.限制是愛伊自我約束

人講;愛若深責愈切

【愛】有罪嗎? 恁及聽看覓咧!

旦汝佮看 現部伊離苦得樂矣

伊 超脫三塗.往生西方.劫數盡了.駕鶴仙班…

 

千錯萬錯 我若有毋好兮所在 道是;

119號碼拍毋見.救護車傷慢來.紅燈太濟咧

醫生館傷細間.六字真言歹唸……

遮個實在係講會了昧盡啦 我真該死啦;

加害者頓心肝 百般無奈幽幽仔按爾講

即時 伊假無意顯露驚惶無辜兮面容;

掩崁尖刀利 藏佇伊滿腹兮恨心………。

 

註:國慶阮勞工放假.電視看咱英明領袖英九總統佇

    觀禮看臺講及喙角全波.感動有偆作詩幹噍祝賀,

    以盡烏手工詩人良心兮本份。

檢視次數: 96

意見

您必須是成員才能發表評論!

加入 台文戰線聯盟

© 2019   Created by 胡長松.   管理小組

成員徽章  |  報告問題  |  服務條款