演員佮明星

[王立信]

演員佮明星

 

靈魂歸順編導；

夆強姦過兮意志……。

掌聲係有價出賣；

麻醉自我兮鴉片膏。

佇閃光燈面前強調自戀兮感覺

直夠伊大尾夠有本錢倘坂盤；

贖回本性兮自尊。

 

演員兮心路是坎坎坷坷可能實現兮春夢

明星是互眾人扶扶捧捧天頂摸袂著兮流星

倏一咧佗過去兮亮光

等待另外一咧時辰誕生兮滅無

若係焉爾；

汝兮人生敢有幾分親像……。