故鄉的珊瑚蛇佮我的甜夢 (台語詩) 寫實 [83]

[唐 秉輝]

故鄉的珊瑚蛇佮我的甜夢

唐秉輝



我的故鄉 台灣 的珊瑚蛇：

伊也稱呼 : ''亞洲的珊瑚蛇''

伊家庭的學名是眼鏡蛇科，

伊家庭是一個小體格的蛇 .

伊身軀長：一百厘米;









伊主食簡單：四腳thiâu 佮小蛇。

伊有一個硬廖廖的尖尾溜

用這尾溜來鑽入土孔

伊用這尖尾溜-

來作迷彩服（偽裝）

就用來保護伊家己的頭頂！








故鄉的珊瑚蛇為著逃避天敵

伊就用迷彩服的尾溜來偽裝，

伊非常聰明，佮非常有智慧！

這智慧就像伊的女主人-- 台灣！






佇我的心肝內底我知影

有關於伊佇我故鄉的厝內底：

伊徛在在佇台灣奇妙大自然的

闊葉林內底，佮混交林的底部;

並且是佇這周邊的地區頂頭！






伊佇我優秀佮燦爛的

故鄉台灣的石塊內底裂縫內

並且佇台灣腐爛的植物頂頭！




伊有兩 e 活動的時間

是佇日時佮暗時：

透早，日出，當頭白日

佮日暗,夜間 攏有伊的活動;






哪是你無來打擾伊，

伊是無侵略性的;

這你應該知影！





就親像：

月光輕輕仔探問

台灣石塊的裂縫：

一六六二彼年的

台灣的珊瑚毒蛇

伊的毒性有偌峘？




根本是無人想要

來答覆月光！

我大膽來答覆：

伊的毒性明顯是

真正峘！







入侵者，你須要小心，

好好為你家己來加考慮

請遠離伊，須要閃離伊

絕對無人會使來斡[ uat ]伊，

絕對無人會使來打擾伊。







一旦你來打擾伊，斡伊

你哪是安怎有能力來

對付伊天賦的潛能呢？

你絕不應該來忽略伊！







現在一般人攏愛知影：

無人敢過再一次看伊無起!

伊的女主人台灣也不應該

白白hoo人來加入侵剝奪。







因此，我giah頭

將我故鄉的澄清湖

頂頭 大自然的藍天

倒入去我的心內底;








將我的故鄉的美麗

錄影起來,放送出去;

我將故鄉的珊瑚蛇，

恬恬去加錄影起來;

收入去我的盒仔底.







我 tīi 黃昏真思念

故鄉的時, 看到您

錄影的您，珊瑚蛇-

您, 珊瑚蛇，您:

幫我走找我故鄉

的一個甜甜的夢！