基督信仰對苦難ê立場矛盾？
《聖經》是按怎看待tsit-ê世間咱人ê生苦病疼--ê？當然大多數ê教會lóng教示講死亡kap破病是因為「罪」所以入tsit-ê世界，m̄-koh 咱若tsiū受苦ê個人iah群體去問基督徒ê時，in就m̄敢koh kā「犯罪」hām「受苦」做siuⁿ過直接ê連繫--a，因為「因果報應」並m̄是基督信仰ê主題，「恩典救贖」tsiah是上帝ê福音，koh，1个人是做好iah sám做，ká-ná kap伊現實生活ê流擺無法度做tsiok好ê牽連，咱看歷史看現今，濟濟人中罪魁平安順序、享榮華富貴，若公義有疼ê人suah露家散宅、受災厄 tio̍h重病，tsit-ê情形不時mā hōo咱凝心不願，koh-khah hāi--ê是，kan-kan-á照《聖經》ê信仰，人有--ê是獨獨tsit 1世人niā-tiānn，bē-tàng親像佛道按呢，kā今世ê不平不正，tu-sak hōo後世人去處理去報應，koh個人有得救--無，以及天地尾ê審判，mā m̄是tsiâu取個人在生ê所做，m̄-tsiah基督教會m̄敢大大典典kā個人、特定群體受苦拄厄，kap in ê好歹行放直接連結。
也教會teh處理tsit-ê問題ê時，上tsia̍p引用ê經文，就是《約翰福音》9章1-3節，經文列踮ē-kha：（紅皮聖經）
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
耶穌teh行路ê時，看見1个自出世就青盲ê人。伊ê門徒就問伊講：「老師，是tsit-ê人本身，á是伊ê爸母犯罪，伊tsiah ē出世就青盲？」
耶穌應講：「tse m̄是因為伊本人，á是in爸母犯罪，伊出世就青盲，是為著beh在伊ê身上顯出上主ê大能。」
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Tsit段經文，將人世間ê苦難kap人ê行放分--開，koh用上帝ê權能醫治來hōo人向望，有實在無實在咱暫且無講，總--是tse確實是tsiok有智慧ê話。
M̄- koh，耶穌伊本人suah捌tī另外1个sio-siâng-á sio-siâng ê都合，kā人ê病痛kap犯罪牽牽做tsi̍t伙，kap頂懸tsit-ê論述自按呢自相矛盾，請看ē-kha kāng款uì《約翰福音》tiah--出-來ê經文（5章1-14節，紅皮聖經）：
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Tī hia有1个已經破病38年ê病人。
耶穌看見伊倒tī hia，知影伊已經破病真久--a，就kā伊講：「你有ài你ê病好--去-無？」（中略）耶穌就kā伊講：「Peh--起-來，giâ你ê床舖起來行。」Hit-ê人即時好--去，就giâ伊ê床舖起來行。（中略）後--來耶穌tī聖殿tú-tio̍h hit-ê人，就kā伊講：「你tann已經好--去-a。M̄-thang koh犯罪，tsiah bē tú著koh-khah悽慘ê代誌。」
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
耶穌tī tsit-ê例--裡，suah koh kā人ê病痛kap犯罪saⁿ牽連，也tse kám m̄是基督教teh面對苦難ê時，1个真oh pué會ê立場不一？
苦難是世間實拄實ê項mi̍h，個人ê艱苦無講，台灣tsiah做大水，Italia幾月日前tsiah大地動死kài濟人，基督教對苦難ê解說無一致，m̄知beh按怎面對tsit-ê現實khah好？
也教會teh處理tsit-ê問題ê時，上tsia̍p引用ê經文，就是《約翰福音》9章1-3節，經文列踮ē-kha：（紅皮聖經）
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
耶穌teh行路ê時，看見1个自出世就青盲ê人。伊ê門徒就問伊講：「老師，是tsit-ê人本身，á是伊ê爸母犯罪，伊tsiah ē出世就青盲？」
耶穌應講：「tse m̄是因為伊本人，á是in爸母犯罪，伊出世就青盲，是為著beh在伊ê身上顯出上主ê大能。」
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Tsit段經文，將人世間ê苦難kap人ê行放分--開，koh用上帝ê權能醫治來hōo人向望，有實在無實在咱暫且無講，總--是tse確實是tsiok有智慧ê話。
M̄- koh，耶穌伊本人suah捌tī另外1个sio-siâng-á sio-siâng ê都合，kā人ê病痛kap犯罪牽牽做tsi̍t伙，kap頂懸tsit-ê論述自按呢自相矛盾，請看ē-kha kāng款uì《約翰福音》tiah--出-來ê經文（5章1-14節，紅皮聖經）：
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Tī hia有1个已經破病38年ê病人。
耶穌看見伊倒tī hia，知影伊已經破病真久--a，就kā伊講：「你有ài你ê病好--去-無？」（中略）耶穌就kā伊講：「Peh--起-來，giâ你ê床舖起來行。」Hit-ê人即時好--去，就giâ伊ê床舖起來行。（中略）後--來耶穌tī聖殿tú-tio̍h hit-ê人，就kā伊講：「你tann已經好--去-a。M̄-thang koh犯罪，tsiah bē tú著koh-khah悽慘ê代誌。」
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
耶穌tī tsit-ê例--裡，suah koh kā人ê病痛kap犯罪saⁿ牽連，也tse kám m̄是基督教teh面對苦難ê時，1个真oh pué會ê立場不一？
苦難是世間實拄實ê項mi̍h，個人ê艱苦無講，台灣tsiah做大水，Italia幾月日前tsiah大地動死kài濟人，基督教對苦難ê解說無一致，m̄知beh按怎面對tsit-ê現實khah好？
-
胡長松在2:30pm對2009 九月 1的評論
-
我的理解較粗淺:
[犯罪 ->苦難 ] not imply [一切苦難皆位罪來]
路加福音 13:2-3 你們以為這些加利利人比眾加利利人更有罪，所以受這害嗎？ 我告訴你們，不是的！你們若不悔改，都要如此滅亡！
注意耶穌講〔不是的〕. 閣, [不悔改，都要如此滅亡] 無表示滅亡（受苦）的攏是因為罪, 我想約伯嘛是一个例.
人對神的旨意按怎理解 ? 誰是苦難的判斷者 ? 咱人對〔苦難〕的定義時常袂穩定, 可能是信仰危機的原型之一, 約伯的三个殘忍的朋友甚至用〔苦難〕定約伯的罪, 是危機中的危機, 毋是基督信仰的本質, In受神責備.
-
Voyu Taokara Lâu在2:43pm對2009 九月 1的評論
-
長松兄，
多謝！你ê意見真寶貴。 我想，tsit-ê kap受苦者ê應答牽涉著苦難ê來源，耶穌對hit-ê病38冬tsiah得著醫治ê人所講--ê，bē輸是teh ka講：「你就是進前犯罪，所以tsiah ē tsiah liân-huê！毋通koh犯罪，無你定著koh-khah慘死！」
Tse對受苦ê人來講，實在是真大ê傷害，因為世間人受苦ê程度，咱teh看，確實kap in ê行放無法度做對比。
咱絕對m̄敢、mā bē-sái對小林ê兄弟姊妹講親像耶穌講ê hit款話，kám m̄是？（siuⁿ 傷--人，mā siuⁿ殘忍--ah，啥人無犯罪--leh？）
-
-
我看你是理解矣. 要閣致重耶穌講話的時, 閣有時空的針對性, 要詳細研究.
佇邏輯來講 [不悔改，都要如此滅亡] -> [不滅亡, 就要悔改], 這是logic ABC, 悔改得救就是白白的恩典, 這是真信仰.
阿, [不悔改，都要如此滅亡]若是講做[滅亡的, 攏是無悔改], 就是犯語義logic的毛病矣, 這個講法kana真時行, 毋過我無認同.
咱對小林ê兄弟姊妹乾擔疼心都嫌無夠矣, 哪通有彼號怪論leh ?
-
-
長松兄，多謝你ê指教，雖bóng我猶無tsiok理解，m̄-koh我ē koh想看覓。Lóo-la̍t！
-
-
閣補充, [濟濟人中罪魁平安順序、享榮華富貴]無表示in袂滅亡喔....通人攏會面對滅亡, in敢袂有苦難 ?
我講咱人對〔苦難〕的定義袂穩定就是an-ne.
-
施俊州在11:50pm對2009 九月 1的評論
-
No one will grant us deliverance,
No God, no Tsar, no hero.
We will win our liberation,
With our very own hands.
To throw down oppression with a skilled hand,
To take back what is ours –
Fire up the furnace and hammer boldly,
while the iron is still hot!（英文版〈國際歌〉Pha 2[Couplet 2]）
（中文版）從來就沒有什麼救世主，也不靠神仙皇帝。要創造人類的幸福，全靠我們自己！我們要奪回勞動果實，讓思想衝破牢籠。快把那爐火燒的通紅，趁熱打鐵才能成功！
2 位：Lán khiā--出-來，sió-khuá 有 beh 做「中人」ê 意思。Ah 我頭殼內想--ê、「攬抱」ê 信仰是 m̄ 是 eclecticism、revisionism、異端、kha 踏雙條船，ta̍k-ke thing 好公審公評――Marxism（未必然是共產主義，雖然我頭殼內 ká-ná sió-khuá 有「共產」ê「歹」思想；況且「共產」ê gene koh thâi tī《使徒行傳》[？]，kám m̄ 是？），Marxism kap 基督教 kám tō 百面衝突--ê？像講 kui 首〈國際歌〉歌詞，除去第二 pha ê 頭二 tsuā：「世間無上帝、無救世主」，我看 bē 出有 siáⁿ-mih 所在牴觸基督教ê基本教義。當然，基督教 ê「基本教義」是 siáⁿ？Lán 無讀過神學院、mā 無摸過神學 tsit 方面 ê 冊，m̄-káⁿ 確認。福音書 m̄ 知 toh 1本有會--著，（耶穌親 tshuì 講--ê）講入天國有 3 項必要條件：信神（God）、相信耶穌是上帝 ê 孤丁 á（入世救人、代替眾人hông 釘十字架，3 工後 koh 活）、愛世間人。（Tsia 講--ê，lóng 無 tńg 去查聖經，完全憑印象）Tse 是 m̄ 是基本教義，請指正。
Taokara ê 文 that-tshih（touch）--著 ê 「苦難」問題，長松 ê logic、推論是 tio̍h--ê，我 tō mài koh 講--ah。M̄-koh，一般基督徒、佛教徒所傳佈 ê 「苦難」論述、「救贖」版本，往往有維護現狀 ê 動機（意識形態）iah 客觀效果。人世間，確實像 Taokara 所講--ê，「好心無好報」、「不義得勢」、「有--ê koh-khah 有、無--ê koh-khah 無」（依賴理論，當然有反例）……「社會現狀 ê 維持」是常態、社會權力關係 oh 得變遷……tsiah-ê 社會現象，社會學家 lóng 有做量化研究、證明--a。譬論，P. Bourdieu 講：讀 lú kuân--ê 往往是資本總額 la̍k khah tsē ê 人家出身--ê，教育民主化是假象、幻影（I 所會 ê「資本」，有幾 ā 種類型，m̄-niā 經濟資本）。民族權力關係、鬥爭史 mā 是充分證據之一，（現代）少數民族權利、正義（e.g. 青海 hit-pîng ê 原住民 m̄ 知叫 siáⁿ 名-- ê、平埔--ê）lóng 去 hōo年羹堯 iah 台灣漢人「剿滅」、「sńg-tn̄g」--a。
Lán 人 leh 講：iā tio̍h 神、iā tio̍h 人。我想，「iā tio̍h 人」應該是上帝所允准 ê「層次」。以上 sǹg 個人意見 niâ，無代表上帝、聖經 ê 話。
-
-
這馬咱俊州共這條歌貼--起來，suah規个紅吱吱, 我佇youtube bat聽過法文版, kan-ta想, 夭壽ooh, 血攏tshìng--起來, 莫怪革命.
咱嘛無讀神學, 毋過知影俊州講的基督教義大約是著的.一般教會內面講一字, 就是愛(疼)； 講兩條, 是「愛神愛人」「互相相疼」； 講10條, 是十誡。以上三項仝義，就是上帝本身。
-
-
補充: 俊州講的應該是約翰福音三：16: 上主tsiah-nih疼世間人，所以才將伊的孤kiánn賞賜in，thang 予所有信伊的人毋免滅亡，來得著永生。的確是教會愛講的教義。
-
-
多謝恁二位ê分享。
為著beh練寫（用字派詞等等），我不時ē用10外分鐘寫kuá tsit款無臭無siâu ê文章，khah免久無寫生疏--去，tsit款mi̍h to也無啥文學性，拄好thang做ta̍k-ê開講ê話頭nā-tiāⁿ。
-
-
歡迎Taokara隨時來練寫(siang2講無〔文學性〕?) 就準算是開講破豆的話頭嘛是真好--ti-leh.
意見
您必須是成員才能發表評論！
加入 台文戰線聯盟