眠夢中織兮情網；甘仔蜜

[王立信]

眠夢中織兮情網；甘仔蜜

恁號作啥阮無增差
佗隨順人兮印象互感情理性家己相摻
眠夢中織兮情網
無起頭路尾 無安可 無痕跡
純然私家大哲理 菜市仔啟示
友欸；恁敢曾抵過茲落代誌
隨諸特客 阮叫伊作「甘仔蜜」

準講現此時追趇洶狂兮筆尾掠著
思念兮吻仔魚猶偆淡薄臭腥鱻
毋閣夯筆彼當陣茫茫兮腦智佗猶未齊清醒咧
撿採愕影彼領若蟬仔兮翼股薄薄情網
予意識流兮利刀毀歹去

「甘仔蜜」
伊毋是形容詞 是耀目兮果子
係阮心窗兮映望 斗底兮實相
無拍算織兮情網 有站站兮小故事
親像初戀滋味 友誼甘甜 人生崁站兮扶持
免撓疑 順筆尾感動兮蚼蟻徙去敢若針底威佗是

阮嘛刁持倒問恁 思念深處旋律兮秘「蜜」
彼首無凊采彈予人聽兮心弦 勇敢顯明伊
不爾過百面百面 號名「甘仔蜜」。