台文戰線聯盟

蝴蝶之死

紅燈跤 白線內濟濟急擋肉包鐵兮車

若獅若虎 霸氣煙筒唬唬叫

袂輸聽候衝撞夠彼旁佗會得安息兮款式

.

即隻不應該兮不速之客 蝴蝶兮美麗

佇待轉區展開藍紫色緻勝利V型翅股 若飛若歇

若歇若飛 互車兮烏煙筒不時內傷殫著

總是伊尊嚴兮雙翅出力咧維護 親像

戰事失落權位夆趕散兮王子

.

阮夯頭面前 倒頭清算兮電子秒數

俯頭看面前猶原V型翅股 若飛若貧

若貧 若飛 停歇 停歇………

當秒數歸零 起跑散開兮天羅八卦陣

懟蝴蝶來講 撿采係長崎含廣島兮香菇雲

.

路尾手嗎奧得根底伊有死抑無

曾經親目看伊淒清寰絕兮身影

伊絕望兮媠親像秋盡冬寒兮楓仔落葉

是不應該兮失誤抑是美麗錯誤

遐尼孤芳凌艷兮櫻花

武士視死如歸兮一生

.

網路頂暗冥1058

阮佇台文戰線通知眾詩人

佗節哀順變。 .2010.6.8高雄

檢視次數: 54

意見

您必須是成員才能發表評論!

加入 台文戰線聯盟

© 2020   Created by 胡長松.   管理小組

成員徽章  |  報告問題  |  服務條款