神話

[王立信]

神話【1】

 

盤古以前道有兮歸屬 人情願

為認同揣即條生路 豈採

逞勇兮理性不時置靈性面前跋倒

 

神話【2】

 

猶原 創造者惦穹蒼畫圓

人夯手講 我嗎會

於是 唯穿開跤褲仔.損土丸仔開始

道一直踞置土跤畫圓

 

神話【3】

 

自由意志驅使理性創造家己兮神話

豈毋知存在本身道是啊

源起頭.七日.上帝講………。

 

神話【4】

 

為著滿足自尊 優越血統

逐民族咧畫怹兮圓

逐人咧畫怹兮圓

蚼蟻咧畫怹兮圓

不爾過上帝互怹烏板

 

 尪仔某

 

「尪」者 柴頭刻兮尪仔標

 係擼出來夆看頭看面兮柴頭

「某」者 夆抾抾咧 搡作堆

 係實體之幕後隱藏也

 尪仔某者；像字面所解

 係予人掠咧變猴耍 彼雙

 置後壁奧脫離之牽手也

 會心者看煞請隨作廢 為荷

 

激雨

 

毋知惦遐跪偌久啊

看伊面色脹紅雙手捧懸哀求款勢

置邊阿 我道心狂火灼

佳哉 終其尾嗎流落陣陣感動兮目滓唬

 

愛情

 

為著證明 俗閣有力兮約定

逐擺攏道將伊嘈唸兮假喙齒

匟互好勢

 

等待

 

無意中 伊翹嘟嘟兮表情互阮影著

因為時間犯嫌伊刁持飄散兮芳水味

隨在大路中急性兮95含柴油混合去