台北京城咧走山

[王立信]

台北京城咧走山

九月九兮放鏡
放大禮義廉恥兮心肝
凱達格蘭
註定受欺負受囤踏兮運命
此陣；台北京城咧走山

十數萬人頭殼敢歹去,抑是食傷飽
準是啥物天；
頓悟兮空氣參烏雲罩霧兮面腔
煞沒張弛開遍紅葩葩閣厚刺兮玫瑰
遐有三代老幼及交加兮陣雨相招坐「心酸」
某人阿! 講曾隨摩西行過紅海兮彼個約書亞咧
某人阿!耶利哥城兮銅牆鐵壁敢擋愈住；
七日一直玲瓏旋和三聲喊喝兮陣勢
現時台仔頂兮五色人.話屎誠入耳
咱給看；外最廟會兮心態比賽看啥儂擋較久
唔拘；民意佗親像流水此般……
時浪靜.時排山倒海

選民唔若是選票爾爾,伊嗎有深深兮期待
當等伊兮憤慨用比大箍姆倒頭栽兮時陣
歷史!請汝作干証；
啥是法老王,啥人作先知


註：追憶彼年自稱紅衫軍兮羣衆所聚集兮
氣勢.或者是私人意志.所謂公理正義
攏交互歷史去判評啦。