台文筆會會員入會邀請函

[胡長松]

轉貼台文筆會會員入會邀請函
嘛歡迎參觀 台文筆會籌備網站
===============================
大家好!

台文筆會佇今年9月初6第一次發起人會議及第一次籌備會中決議，正式招募會員，並決定2009/11/ 21， 14:00，佇國立台灣文學館第一會議室（2F）召開會員大會。

咱成立台文筆會毋是欲佮台灣筆會對立，顛倒是為著欲來協助台灣筆會。 台灣筆會成立以來，不但促使台灣文學對邊緣化的處境行向主流中心，促成台灣文學系所成立，以及完成國立台灣文學館的籌備任務攏有真大的貢獻。不過咱欲加入國際筆會的任務猶未完成。阮經過長期思考，認為成立母語書寫的台文筆會是一條新路，一个新閣獨一無二的機會。加入國際筆會，咱的台灣文學，特別咱台灣人有母語書寫的台灣文學，台灣人有決心建立佮中國人無仝款的語言文學的事實，才有法度予國際了解。

台文筆會若無恁欲佮阮仝心仝意鬥陣行，咱進前的籌備工課，咱的理想，攏會變成空思夢想。 期待妳/你正面的回應，咱欲做伙共台灣文學史回應，做伙共國際文壇回應。

祝

平安! 喜樂!

台文筆會籌備會 敬邀
主任 李勤岸
總幹事 胡長松
委員(按筆劃排)：
方耀乾 王貞文 宋澤萊 周定邦 周華斌 陳明仁 陳正雄
陳秋白 黃勁連 張德本 廖瑞銘 蔣為文 鄭邦鎮

＊申請加入成立會員的幾个辦法：

1. 請填寫：台文筆會會員入會申請書 親筆簽名了後
郵寄：804高雄市鼓山區美術南三路82號 胡長松　收
或傳真：[phone]
或將掃描檔 Email: [e-mail] (台文筆會籌備會 胡長松)

2. 假使會使參加11/21的成立大會，請填寫：台文筆會會員入會申請書 Email電子檔到: [e-mail] (台文筆會籌備會 胡長松)，成立大會彼日會使補簽名。

3.台文筆會發起人是當然會員，免閣經過申請佮審查，籌備會會就目前有的代填會員申請書資料備查。另外，因為發起人可能嘛有資料欲添抑是改，嘛歡迎閣Email寄一份台文筆會會員入會申請書 來更正。

4.若有任何問題，歡迎Email連絡，這消息是公開的，本邀請函佮台文筆會會員入會申請書歡迎轉寄轉貼，嘛歡迎來台文筆會籌備網站賜教。