欲投降需要啥物姿勢？

[胡長松]

欲投降需要啥物姿勢？
倒咧、屈咧、徛咧
先禁氣
跳三下
共腳脊胼斡過來？
免啦！雙手夯懸懸就好！

欲投降需要啥物理論？
結構、解構、無構
馬克斯
馬庫塞
共後殖民請上台？
免啦！繼續寫北京語就好！

＊夢見解嚴前的鋼盔詩集有感

[Voyu Taokara Lâu]

是--lah，長松兄，beh講姿勢tio̍h講起你ê姿勢...毋願投降ê姿勢...阮無資產...beh按怎衝lóng 1箍人niā-tiānn，你是真正家伙hiat--leh beh戰--ê...親像恁án-ne--ê是真正無簡單。

[胡長松]

Toakara講甲傷客氣，佳在毋bat靠北京語文壇吃穿，所以，衝lòng免不了是阮的責任。這年頭是講團體戰，這回我認為佇學院的先mài hiah tshiong無要緊，部分愛保留戰力佇無仝位。

[王立信]

古早電視拄則出來兮時.武打兮連續劇動作攏晟簡單閣好笑.
曾看見一位臨時演員佇夆刣死兮瞬間.目睭煞咧看塗跤有擋著
兮物仔抑無.清跤路倒落較好死。
成龍含席維斯史特龍係演員.恁給看伊搬戲兮精神.金馬獎影后
楊惠珊曾為戲「我就這樣過了一生」短時間增肥13公斤.還聽聞
一日本知名女演員.為了在戲中演老阿婆.挽掉兩支喙齒。遮兮等等.汝若問我「欲投降需要啥物姿勢？」佇精神上佗提升到實踐家.宗教家兮意志.
親像武士道兮宿命。「欲投降需要啥物姿勢？」切腹係上乾脆兮解釋。
無定是風颱天中晝拄則睏醒佇遐關係……。嗯.重來茲遍；
「欲投降需要啥物姿勢？」。切腹。切腹是上媠兮姿勢。