台文戰線聯盟


後現代敘事型態田園輓詩




唐秉輝



伊kap我一直是真好ê 朋友

我兩人bat是同工,
計劃共寫台灣人tīê
學術史詩
Ng望為
學術留存備卷


過往不堪回首 : 伊對工作努力
今á日伊ê成就ē-tàng tī我目chiu前歷歷
何其榮幸ē-tàng tī伊ê追悼會致意
只是,目屎hō我無法度完整達意
Bē-ōe完成hiah-ê感性動人ê話語;
Oh得掩蓋(khàm)心中ê哀切, 回憶往事:
「伊kap我 」 不得不tī chia作補述


真自豪ê 講

伊一直對我微微á笑



Tī悼念伊ê追思式前,我tú探訪
Ah Ma過逝前tī台ê故鄉;
Tī伊ê追悼會致詞時iáu 泣to̍h bē-sái得聲。


若m̄是伊熱情地激發我
我將永遠bē有chit-ê chhōe根之旅,



Tùi生活ê經歷中bat學tio̍h一kóa:
由伊ê愛中,帶有ê境遇



此外伊koh-khah常用貼切合適ê 舉例

隨時hō溫和委婉ê指導見解

Ē-tit-tàng kā台灣和美國連接kap對照!




伊積極自律,iáu有自信,
是自我接納、自我認同ê基礎。

而且伊iáu ē-tàng連結人生中ê光采;



用伊ê 筆觸寫對田園生活ê 嚮往,

Kap對tī平常生活點滴ê描述中

來對比tī當時都市ê 街頭智慧




已經少有智者出現!

但伊ê典範將長留tī人間

沉潛、平凡但崇高ê情感將植根tī我ê心;


Tú親像詩人聶魯達bat tī羅卡(西班牙詩人)

過世了後寫落來動人ê:

「假使我ē-tit-tàng挖出家己ê眼珠並且吞進腹肚裡,

我會為你那服喪ê橙樹ê 聲音大聲啼哭,

我會為你吶喊á寫出ê詩歌挖眼並吞進我腹肚裡。」

等詩句來悼念羅卡!








Kā伊kap我ê記憶永遠保存為引玉磚

望伊ē-tàng 譜成另外一動人故事ê前奏曲

檢視次數: 136

意見

您必須是成員才能發表評論!

加入 台文戰線聯盟

© 2022   Created by 胡長松.   管理小組

成員徽章  |  報告問題  |  服務條款