【社員書訊】陳胤的第一本台語詩集──《戀歌》
陳胤的第一本台語詩集──《戀歌》
您買《戀歌》，我捐出50%！
◎《戀歌》簡介
類別：台語現代詩
作者：陳胤
出版：柳河文化工作室
書面：32開（13×19cm）
頁數：256頁
出版日期：2014/5/1
定價：新台幣200元
獲獎：
國家文藝基金會創作與出版雙重獎助（2009/2013）
教育部閩客語文學獎第三名/第三名/第一名（2008/2009/2013）
彰化縣台語文學創作比賽第一名/第三名/第二名/第一名/第二名（2005/2006/2007/2009/2011）
李江却台文獎現代詩頭賞（2008）
吳濁流文學獎新詩正獎（2008）
鄭福田生態文學獎優選（2010）
＊
台語現代詩集。採漢字與台羅拼音混用方式書寫，每首詩後，都有關鍵詞的華語註解，讓稍諳台語的人也能對照解讀。內容上以圖文雙軌式進行，文本的視覺呈現步調，亦有詩的考量。封皮用最皮的牛皮紙，希望詩也耐磨，而不上蠟膜以紙的原始膚質示人，乃期盼讀者翻閱時手的溫度自然滲入書中，與詩一同呼吸，或者可讓我的詩與你相互取暖；牛皮紙，是土的顏色，這也間接宣示詩觀或詩的願夢：「種在土地上！」。本書，所有的詩（95首）與圖甚至設計，都試圖以各種不同角度探討「愛情」的意涵──這被說濫卻又千古不老的歌曲，看看能否彈奏出不一樣的旋律……
◎「愛的進行曲」計畫：
為了擴大延展愛與詩的領域，詩集中圖文創作「愛的進行曲」部份，將從書中走出來，借展場或路邊擺攤（另作規劃），以「詩畫展」的藝術型態與群眾對話，你若找到或接受詩的通關密語後，願意花新台幣兩百元買一本《戀歌》，我也將捐出全數所得50%均分給以下的社運團體，作為2015年度基金。沒意願或時間看展，或等不及展場而想直接購買的朋友，當然也歡迎（inriver2014@gmail.com或FB私訊https://www.facebook.com/river.chen.50746），所得一半一樣比照捐出。這是我的行動詩，也是愛的進行曲。
2015年度預定捐款的團體：
1. 地球公民基金會
2. 綠色公民行動聯盟
3. 台灣環境資訊協會
4. 彰化縣環保聯盟
5. 李江却台語文教基金會
6. 台文戰線雜誌
7. 台灣文藝雜誌
8. 文學客家雜誌
◎計畫緣起
1994年回鄉任教後，課餘積極投入「教改」、「社造」、「學生營隊」三個面相的實作，經常接收到有心人的小額捐助，不管精神或物質上，我都點滴在心頭，總在自己崗位化作最大的努力以回報。2010年以後，身體因素，只剩一些小型學生營隊的經營，花費不多，所以就開始輪流對一些社運團體小額捐款，感謝他們代替我做我想做卻無法做的事。為不完美的人間出點小力、出點小錢，是我長久來自我修行的「文化捐」。
《戀歌》是我第一本台語詩集，從創作到出版，歷經十年，相當於生十個小孩的時間，且自己編輯、排版、設計、跑印刷廠，親自感受其間的辛勞無非是要向全天下女人生產的疼痛致敬──是的，書，是我生命與現實人間的小孩。用母語寫詩，經漫漫歲月，等詩集成品從印刷廠送到我手裡的剎那，竟反而覺得真正誕生的，是我自己……所以，《戀歌》或許不完美，但絕對誠意十足。
當然，我有自知之明，我的人與詩一向都是票房毒藥。萬一沒人買怎麼辦？你放心，我會比照以往最低「薪資」，每個團體保障1K，而「台文戰線」因我還是社員身份，繼續奉獻社費2K，也不會有問題。
◎《戀歌》踏話頭（台語序文）
＜伊kap伊所愛ê島嶼kap島嶼所愛ê我＞
秋風吹來，舒爽當中，帶有春天ê溫柔kap芳味，這kám是愛情ê面容？
一時，阮suah m̄知beh對toh位講起，講起阮khǹg tī心肝仔內ê歡喜kap憂愁，這是真久真久ê代誌矣，熟悉伊嘛是已經真久真久ê代誌，總是秋天ê雞婆，害阮ê心，不時飄tī天頂躊躇，m̄知是m̄是，beh化作一陣雨水降落人間，抑是繼續作一片自由ê雲，悠遊世界。
躊躇罔躊躇，心內總是漸漸有一寡仔甜甜ê滋味，少年時孤單ê苦，那親像沓沓仔鑽過時間ê牆圍，tī tsia得著淡薄仔安慰。這種安慰，一開始hōo阮稍寡仔驚惶，驚惶內面koh有講bē清楚ê ngāi-gio̍h，這kám是逐家所講--ê，hōo人無顧性命死活ê愛情咧？阮gōng-gōng向蒼天提問。蒼天恬恬無講話。
慢慢仔，阮發覺這是m̄是愛情，無hiah重要，重要ê是，鬥陣做伙hit種互相扶持ê溫暖，就價值一世人去珍惜kap追求。幸福，m̄是寫tī小說內面ê浪漫愛情，幸福是鋪tī現實生活面頂ê點點滴滴，幸福是bihtī眼神交流ê時時刻刻……
總是嘛愛感謝秋天ê雞婆，因為秋天ê風，吹來伊ê跤步，hōo阮一步一步，tuè著伊ê形影，行去愛ê世界。有愛，才有詩；有詩，阮才有法度，帶著美麗kap慈悲ê心情，tī這塊流浪ê島嶼行踏，有時遊山玩水，有時放浪街頭，有時嘛行入去茫茫渺渺ê歷史內底。攏是為著伊。
為著伊，kap伊所愛ê島嶼，kap島嶼所愛ê我，阮開始思考，beh用啥物來記念kap維持這段複雜ê感情，以及感情以外無法度形容ê溫度kap曖昧，tī山水之間，tī愛kap m̄愛ê中央，雖然難分難捨，m̄過，這種心肝ê躊躇就是靈魂ê燈火，因為有火籽，無完滿ê性命，才有向前行ê勇氣。
對台語ê心情，嘛是這種躊躇。台灣所有族群ê母語，因為政治kap歷史ê因素，長期被打壓、迫害kap thún踏，阿母教阮ê話，竟然變作一種悲情，講kap m̄講，攏無可奈何。假使若beh寫，愈無可奈何，m̄知beh對toh位寫起，真濟ê字詞，早就tuè祖先行入去墓仔埔；koh有真濟ê字詞，散tī風中，阮無力ê翼胳，tī茫茫ê天頂尾溜，嘛m̄知beh去toh位揣。尤其我是一个「福佬客」，一个予福佬人同化ê客家人，阮ê母語，koh加一寡仔複雜ê ngāi-gio̍h，但是ngāi-gio̍h規ngāi-gio̍h，tī現實中，一个事實是確定--ê，就是，各族群祖先傳--落-來ê話kap文化，攏總漸漸做伙行向死亡ê界線……
阮目睭金金，除了無可奈何以外，也是無可奈何。所以，只有kā心內ê珠淚化作歌詩，用母語慢慢呼喚，呼喚流tī爸母血汗內底ê溫暖。對伊，對愛情，嘛是仝款ê心情，阮揣無比詩koh khah溫暖ê物件矣。
只是，阮對伊ê呼喚，m̄知伊有聽著無？嘛m̄知上帝有聽著阮對愛情ê呼喚無？
你kám知影？Tsia-ê呼喚，tī每一个想伊ê暗暝，攏是太平洋ê水湧，一聲一聲，用歡喜ê節奏，拍著島嶼ê海岸……
你應當有聽著啊。Tsia-ê詩，嘛是島嶼ê戀歌。這幾年來，阮ê跤跡帶著美麗ê心，行過島嶼ê一切一切，風風雨雨，安安靜靜，阮ê身軀，有時陣嘛變作一座島嶼，倒tī伊滿滿ê思念內面。
阮相信世間ê愛情，也m̄是啥物完滿ê物件，所以，阮beh koh去愛這个無完滿ê世界，kā愛擴大，無私心ê愛，才有幸福ê可能，自由、公義、和平ê追求，大自然、宇宙ê懷想，甚至對一蕊花小小ê m̄甘kap欣賞，內面，攏有愛伊ê形影……
（陳胤/2009/11/17）
註解：
khǹg：囥，「放置」。
ngāi-gio̍h：礙虐，「尷尬」。
沓沓仔（ta̍uh-ta̍uh-á）：「慢慢」。
揣（tshuē）：「找」。
◎詩選試閱
＜春雪＞
是真遠真遠ê一條路
是你ê目神金金無怨妒
是春天ê雨絲愈拉愈長
抑是阮ê傷悲kap 躊躇……
春天哪會teh落雪咧？
堅凍ê愛情
Kám有法度變作一粒日頭
Koh對島嶼上kuânê山頂爬起來？
阮猶原teh等
等你hit年行過阮性命ê春風
將冬天樹埡最後一片焦葉
吹落
葉 落 夢 土……
啊！思念
是鑽tī阮心內hit條
上遠上遠ê路
註解：
kám有：「有嗎？」
對（uì）：「從」。
上kuân：懸，「最高」。
樹埡（ue）：「樹枝」。
＜厝鳥＞
暗暝
阮恬恬看著你
用一世人ê青春
起一間厝，然後
將愛情khǹg tī內面
規工惜命命……
每日透早，日頭出來時陣
就變作一隻厝鳥仔
Khiā tī厝角直直叫
看會叫出一支翼胳頭仔來無？
Hōo你ê愛情飛出去窗外
阮m̄是無愛你
只是感情若beh久長
就愛放伊去天頂
Tī風中 tī樹欉
自由飛
M̄過，你攏感覺阮有一寡仔吵
順手就kā窗仔關起來
阮只好逐工啾啾叫
叫kah阮愛情ê翼
漸漸變作一枝
焦khok-khok ê
樹枝……
註解：
恬恬（tiām-tiām）：「靜靜」。
khǹg：囥，「放置」。
khiā：徛，「站」。
翼（sit）胳頭仔：「翅膀」。
焦khok-khok：焦涸涸，「乾巴巴」。
＊＜厝鳥＞影音版
http://blog.udn.com/inriver/6927623
意見
您必須是成員才能發表評論！
加入 台文戰線聯盟