彼一日的早起

[王立信]

彼一日的早起

彼一日的早起時
上班窮欲袂赴市
彎彎斡斡直直去
出門阮嘛有看天
天是烏玆傍
日頭跑去匿
抹輸那半瞑
烏陰天 風颱味
不安的心一直鼻

無講無擔
雨水親像爆鼓箸
半路雨槾穿抹離
可比珍珠勤跳弄
草瞑啊弄雞公
叮叮又咚咚
田蛙仔雄雄無準備
掠準欲扮戲
蚯蚓啊探頭不著時
欲溜漩嘛卡費氣
姑不爾將夠公司
卡露鐘仔頓落去
專心上班覓插伊

無張弛 無注意
斡頭看出去
天頂清清 草木青翠
日頭光爍爍 真趣味
親像阮這馬的心情
垃散的內心
互雨水洗甲清清又氣氣
絕對無騙你



後記：無拍算急時雨，拍斷每日上班慣性的思維
頓時想著造物主美妙的創造，只要心存
感恩，大自然隨時的變化總是帶來無限
的謳咾及感謝。這是一首機車上班形形
色色.反應內心的投射所做的即興之作。

[丁信民]