等玆咧春天
織一領情網
無恨無怨
緣絲相牽
親像汝柔軟兮頭鬃
互阮好眠好夢 到天光
等玆咧春天
無霜無寒
日光溫暖
親像汝無邪兮笑容
互阮若蝴蝶 戀慕牡丹
鼻親情氣味
無嫌無厭
反哺跪乳
親像看喪鄉兮厝邊
表明父佇儂無虧兮疼
候無限時機
胸懷開擴
堅持有心
丹田呼吸勇敢喊喝
霎那間 世界抹輸歸咱
演一齣野台
生旦淨末
小丑跳樑
扮 樊梨花移山倒海
息 卸妝也著恬恬無聲
看人間惜惜
無爭無鬪
口舌平和
用最深兮內在揚顯
佇天國上媠兮水晶海
聽聖神音聲
腑落謙卑
靜靜聽趁
進入室內真意傾訴
佇遮領受逐日兮空課
您必須是成員才能發表評論！
加入 台文戰線聯盟