點仔膠兮真相

[王立信]

點仔膠兮真相

 

點仔膠 鋪大路

選舉若夠油臊腥

一傍摳 一傍鋪

大街細巷攏照顧

裹互平 裹袂平

落選兮人心糟糟

 

點仔膠 鋪前途

選牢兮人若進補

光明大路開財庫

點仔膠 好走車

蹤上山 駛鄉鎮

去溪埔 落海墘

路平專案恁放心

挺好當作撞球間

 

點仔膠 遇風雨

大空細裂無底匿

無要緊 免著急

四冬若夠愈重鋪

偷工減料人跛死

申請國賠恁賺錢

 

點仔膠 黏著跤

叫阿爸 買豬跤

豬跤箍 焄爛爛

選舉兮人流喙涎

 

 

 

佇夢時代聽康原老師演講

囝仔歌兮創作歷程，這是

我第一擺參加文化活動，

有感遊戲而作。