上班啟示錄

[王立信]

上班啟示錄

.

飛龍 .墜落凡塵

甘願摻碳予濛煙作雲

紅青燈

千百粒 .伊奇怪目睭

暫歇佇 .秒間驛站

.

戴心酸兮安全帽

老早化作七彩 .脆弱鱗片

車陣是軟沉沉 .龍兮身軀

看袂清 .肉包鐵抑鐵包肉

滿了圖形.編號.牌子印記

怪奇 專工吞食生活兮變形怪獸

.

每日巡視

啟示 .默示 .告示 .暗示……..。

燈號若閃 .斑馬線墘出現“綠色小人”

愈走 .愈洶 .愈緊

連鞭“芋依.芋依” 救護車兮音聲

注定載人去補給陷落生活頓號兮運命

至介少嗎比死交通仔匿咧衝業績較高貴

.

前鎮.小港區 重工業兮“車陣人龍”

三不五時 當等汝上班袂赴市

佗暗唸喝即句 “斬” ！

予相對向兮來車 .像利刀

即目即目 .擲落滾湯兮大鼎

看錶；頭殼碗仔煞出現滾強強

半青冷兮心肝

.

2010.8.25高雄