我的見證：談兒子與奴僕的兩樣心情【信仰詩】

[王立信]

我的見證：談兒子與奴僕的兩樣心情

早前真失落 感覺家己真無辜
毋情願是罪的奴僕
想脫離嘛沒法度
受盡欺凌 自甘墮落
追求短暫的宴樂
麻醉心靈的枯乾
做什麼代誌 連家己嘛看無
叫天天不應 叫地地袂靈
一粒碎碎的心肝愈畏冷
怨恨我親像外表媠媠的爛蘋果

誰叫阮 八字輕落土
豈是細漢床母做記號
可嘆前世作歹代 奔波坎坷歸路埋
往生西方毋敢仰 救苦觀音罔過頓
般若心經背透透 金剛舍利唸來鬥
柴頭手刻囥厝內 引鬼入宅無人知
厝內大小袂平和 祇好
抽籤卜卦 通靈兼算命
總是 吵吵鬧鬧 雞飛狗跳
疑神疑鬼 著驚失神
親像一粒六神無主的破甘祿
拖土玲瓏搞
天啊！地啊！號遐飯累
奴僕的心情！ 誰人愈知影

如今的哈嘜我！
心境已經無仝款
可比快樂出航人
大船滿載欲入港
我是天父的獨生子來釋放


浪子回頭金不換
新衫飄撇媠噹噹
阿巴及阮掛手指 金光爍閃閃
刣豬屠羊鬧熱代 內山親晟攏倚來
神清氣爽巡田頭 長工婢女齊點頭
天父老早有準備 財寶份額囥佇天
蛀蟲龜神想乎死

伊是阮腳前的燈 路上的光
雖莽黑雲崁天 主及時遮截保護
賞賜阮 喜樂滿足 平安順序
直到日子飽足 天庭相見大歡喜

趕緊報予大家知 作子贏過作奴才
這款日子誰無愛 毋倘當作無治代
好好寶惜則應該
作子的心情 極美無比