海鳥佮水湧【回應詩】

[王立信]

海鳥佮水湧

.

拽動波浪
大海係祖先以來兮故鄉
海風兮鹹味
搧動魚蝦藏匿
飲盡阮存在快意

.

海天一色 閣有日出含夕陽
船隻抑風帆 實在兮朋友
再再佮北斗繁星拍滾損
島嶼是別莊 港口係惜別兮目屎
船螺 哈！船螺聲偷學阮
飛行 若箭衝落兮屈勢

.

再會！別離敢算講預告再相見
海鳥佮水湧 註定兮緣

2010.6.24高雄 回應李秀姐所鋪海鳥佮水湧兮文章讀畢有感

[李秀]

王立信先生, 早安! 毋對, 佇台灣即馬應該是晚安才對.
每日欲睏晉前, 慣勢聽汝一擺的澎湖腔口, 親像我佇故鄉外垵仝款, 誠好!
是啊! 島嶼是別莊 港口係惜別兮目屎.
再會！別離是預告再相見!