台文戰線聯盟

佇日子告一段落的時

算看覓過去日子的色水

上合意的物件,攏被服侍佇上懸的所在

上討厭的垃圾,隨時纒綴佇身軀頂面

過去的日子,親像太空梭咧飛徙

未來的日子,親像老人咧騎跤踏車

車牌仔跤等公車,攏是對面的車先來

這世人上驚狗仔,攏有兇蓋蓋的狗向我衝來

別人破重病倒咧,攏無家己倒佇病床赫沉重

別人拼命咧生囝,攏無家己生產的拆腹裂骨

愛我的人,損我傷深

無愛的人,愛我傷濟

日子的色水,千算都算袂了

但是汝會當看著我的傷痕

知影我受傷過,嘛捌醫好過

檢視次數: 134

王立信在9:30pm對2010 八月 10的評論
阮思想,阮猶活咧,安呢阮感謝主。
阮受傷,阮嘛醫好,阮嗎是感謝主。
予人惜,阮足幸福,阮福氣夠毋知。
車牌仔跤等公車,攏是對面的車先來。
無定著有人落車,是汝日冥思念,聽候誠久兮人。
佳哉!上好兮茶心;猶佇見本櫥匟佮好勢好勢。
李秀在3:12am對2010 八月 11的評論
這首是臨時起意好耍的小詩, 彼時當咧佮柏榮佇網路講話, 完成一項代誌了後,想講欲輕鬆一下 嘛有可能予胡長松彼首對比好耍的詩「數」的影響, 所寫出來的物件.
是呀, 我欲感謝的代誌愈算袂了, 我這个愛海的澎湖女子, 嘛柱好位naked beach游泳轉來, 我是袂當像我的朋友赫開放, 但是我這个有穿游泳衫佇海中小數的人, 誠欣羡in的裸体無拘無束参大海攬抱, 畢竟東方佮西方的人是無仝的.
汝的澎湖腔, 最近我有forward予澎湖文化局, in當咧幫我揣電台, 以後就無咱的代誌了, 我只是提供一項文學的推動而已爾爾.
佇另外一个網路, 我欣賞恁(宋.胡…)的對話, 佇這个五花十色的世間, 赫是一个會富歇喘、清涼…的所在. 感謝主!

意見

您必須是成員才能發表評論!

加入 台文戰線聯盟

© 2021   Created by 胡長松.   管理小組

成員徽章  |  報告問題  |  服務條款