「陳金順詩集《一欉文學樹》新書發表會」紀錄
《台文戰線》大眾文學講座八月場
「陳金順詩集《一欉文學樹》新書發表會」紀錄
講者：詩人陳金順
時間：2009/8/1 (六) 19:00 ~ 21:00
地點：大芳文化廣場
高雄市美術南三路82號
主辦單位：台文戰線雜誌社
協辦單位：大芳生鮮超市
紀錄者：胡長松
陳金順的《一欉文學樹》的新冊發表會佇8/1暗順利完成，眾文友佮讀者有精彩的分享。我佇遮簡單紀錄。
本社社長方耀乾踏話頭紹介陳金順兄用母語從事文學創作、運動已經超過15年，《一欉文學冊》是伊的第四本冊，是伊詮釋土地、歷史的方式。陳金順講《一欉文學樹》是四本冊內面唯一有計劃的寫作，這款計畫性的寫作是個人的訓練，感覺袂歹。申請國藝會的補助是直接的動機，真正欲寫人物詩卻是位《珊瑚潭之戀》就開始，伊認為只要對台灣有貢獻，值得個人學習，就會去寫，限佇時間氣力，先寫40位，以後有機會會閣繼續。另外，大多數的人講「蓋棺論定」，毋過伊個人認為無一定愛等到彼時，活人值得學習，嘛會使緊來寫，所以，伊佇序文講遮的詩是「毋是死人骨頭的人物詩」。
續落，陳金順簡介伊所列的這10首選詩：〈彩虹〉（魏德聖）、〈珊瑚潭之戀〉（八田與一）、〈夯旗拽風勢〉（黃石輝）、〈青春碰壁〉（簡國賢）、〈寶島詩星〉（葉俊麟）、〈再會陳雷〉（陳雷）、〈目屎規牛車〉（王禎和）、〈胡厝寮15號〉（胡民祥）、〈番仔火枝〉（鄭南榕）、〈九層嶺的胭脂葉〉（萬淑娟）；佇講座內面，伊家己朗讀〈彩虹〉、〈九層嶺的胭脂葉〉、〈番仔火枝〉等幾首。
眾文友嘛出來分享對詩集的看法。
胡長松是位台灣人的自我圖像來理解陳金順的詩，伊認為咱的台灣文學需要為台灣人建立好的自我圖像，親像陳金順這款詩就是有按呢的正面的意義，詩集內面的40首詩會使反映出健康、有氣力的台灣自我。伊嘛用弗萊的原型理論，來解說陳金順的詩內面的傳奇色彩。續落，胡長松佇現場嘛唸〈胡厝寮15號〉來鬥鬧熱。
陳秋白舉書寫林江邁的作品＜逐年＞做例，解剖本詩文字真白，用平常的口氣，寫出林江邁死去靈魂的不安，是對歷史的「隱喻」。陳金順無寫任何一位一般的人底講的外省人，陳秋白認為佇陳金順的心內應該佮伊仝款，認定台灣猶佇殖民的階段－－因為台灣雖然表面自由，毋過猶用中華民國流亡政府的名，這個流亡政府無經過這塊土地人民的認同，只是用佔領、強迫教育的方式來予人接受。《一欉文學樹》藉遮人物成做台灣人共同圖像、精神的象徵，透過人物來表現作者心內的台灣圖像、情感，是整個這本冊的寫作策略。
張德本呵咾陳金順人直、有硬氣，是典型的平埔個性，伊補充講，平埔人的心正直、外表硬氣、內心溫柔，就佮陳金順仝款。伊藉陳金順的〈九層嶺的胭脂葉〉講著台灣強欲消失去的平埔文化佮咱愛維護仝款弱勢的台語／台語文學的重要。伊嘛用詩集所寫著的朱一貴、林爽文做例，講著台灣人羅漢腳的命運原型，批判台北文壇、台北馬政權無致重台灣歷史的惡質面，甚至位各文化政策、資源橫柴夯入灶，阿台灣人猶毋知覺醒，到今猶是羅漢腳仔。陳金順的詩塑造台灣人形象，是建立台灣精神重要的物件，張德本講，惠特曼嘛是位描寫各階層人物生活的草葉集來建立美國精神，可見陳金順的方向正確。伊講：「這窟挖落去就著矣啦，攏是土龍！莫去追求對岸的恐龍！」最後勉勵陳金順，堅持就是上好的抵抗，繼續閣鑽入去走揣，閣有足濟會使寫，嘛勉勵陳金順位史識開始，建立家己na來na深的歷史見識。
另外，柯柏榮嘛上台分享位2002年開始陳金順對伊的鼓勵佮影響，伊感謝陳金順對伊講，創作才是上重要的代誌，要寫出「擲地有聲」的作品，伊是按呢才開始拍拚寫台語詩的。閣，伊認為《一欉文學樹》予伊濟濟的啟示，雖罔內面的人物伊起先攏無啥bat，毋過，因為陳金順共寫出來，伊就開始去接觸，因為按呢伊嘛加認識真濟台灣的gâu人。伊最後講，《一欉文學樹》就是彼款「重甲假若予我捧袂起來」的「擲地有聲」的作品！
我最後佮逐家分享幾張活動相片，予逐家知影這場講座，豐富、成功！
陳金順詩集《一欉文學樹》出版
《一欉文學樹》是陳金順的第三本台語詩集，內面收錄40首台灣人物詩。本詩集是國藝會文學類創作補助的作品集。其中，一半以上的作品，bat得過各文學獎佮入選年度文學選集。2009年6月由台文戰線雜誌社出版。
本詩集定價新台票200箍，劃撥口座：19131748，戶名：陳金順。
「陳金順詩集《一欉文學樹》新書發表會」紀錄
講者：詩人陳金順
時間：2009/8/1 (六) 19:00 ~ 21:00
地點：大芳文化廣場
高雄市美術南三路82號
主辦單位：台文戰線雜誌社
協辦單位：大芳生鮮超市
紀錄者：胡長松
陳金順的《一欉文學樹》的新冊發表會佇8/1暗順利完成，眾文友佮讀者有精彩的分享。我佇遮簡單紀錄。
本社社長方耀乾踏話頭紹介陳金順兄用母語從事文學創作、運動已經超過15年，《一欉文學冊》是伊的第四本冊，是伊詮釋土地、歷史的方式。陳金順講《一欉文學樹》是四本冊內面唯一有計劃的寫作，這款計畫性的寫作是個人的訓練，感覺袂歹。申請國藝會的補助是直接的動機，真正欲寫人物詩卻是位《珊瑚潭之戀》就開始，伊認為只要對台灣有貢獻，值得個人學習，就會去寫，限佇時間氣力，先寫40位，以後有機會會閣繼續。另外，大多數的人講「蓋棺論定」，毋過伊個人認為無一定愛等到彼時，活人值得學習，嘛會使緊來寫，所以，伊佇序文講遮的詩是「毋是死人骨頭的人物詩」。
續落，陳金順簡介伊所列的這10首選詩：〈彩虹〉（魏德聖）、〈珊瑚潭之戀〉（八田與一）、〈夯旗拽風勢〉（黃石輝）、〈青春碰壁〉（簡國賢）、〈寶島詩星〉（葉俊麟）、〈再會陳雷〉（陳雷）、〈目屎規牛車〉（王禎和）、〈胡厝寮15號〉（胡民祥）、〈番仔火枝〉（鄭南榕）、〈九層嶺的胭脂葉〉（萬淑娟）；佇講座內面，伊家己朗讀〈彩虹〉、〈九層嶺的胭脂葉〉、〈番仔火枝〉等幾首。
眾文友嘛出來分享對詩集的看法。
胡長松是位台灣人的自我圖像來理解陳金順的詩，伊認為咱的台灣文學需要為台灣人建立好的自我圖像，親像陳金順這款詩就是有按呢的正面的意義，詩集內面的40首詩會使反映出健康、有氣力的台灣自我。伊嘛用弗萊的原型理論，來解說陳金順的詩內面的傳奇色彩。續落，胡長松佇現場嘛唸〈胡厝寮15號〉來鬥鬧熱。
陳秋白舉書寫林江邁的作品＜逐年＞做例，解剖本詩文字真白，用平常的口氣，寫出林江邁死去靈魂的不安，是對歷史的「隱喻」。陳金順無寫任何一位一般的人底講的外省人，陳秋白認為佇陳金順的心內應該佮伊仝款，認定台灣猶佇殖民的階段－－因為台灣雖然表面自由，毋過猶用中華民國流亡政府的名，這個流亡政府無經過這塊土地人民的認同，只是用佔領、強迫教育的方式來予人接受。《一欉文學樹》藉遮人物成做台灣人共同圖像、精神的象徵，透過人物來表現作者心內的台灣圖像、情感，是整個這本冊的寫作策略。
張德本呵咾陳金順人直、有硬氣，是典型的平埔個性，伊補充講，平埔人的心正直、外表硬氣、內心溫柔，就佮陳金順仝款。伊藉陳金順的〈九層嶺的胭脂葉〉講著台灣強欲消失去的平埔文化佮咱愛維護仝款弱勢的台語／台語文學的重要。伊嘛用詩集所寫著的朱一貴、林爽文做例，講著台灣人羅漢腳的命運原型，批判台北文壇、台北馬政權無致重台灣歷史的惡質面，甚至位各文化政策、資源橫柴夯入灶，阿台灣人猶毋知覺醒，到今猶是羅漢腳仔。陳金順的詩塑造台灣人形象，是建立台灣精神重要的物件，張德本講，惠特曼嘛是位描寫各階層人物生活的草葉集來建立美國精神，可見陳金順的方向正確。伊講：「這窟挖落去就著矣啦，攏是土龍！莫去追求對岸的恐龍！」最後勉勵陳金順，堅持就是上好的抵抗，繼續閣鑽入去走揣，閣有足濟會使寫，嘛勉勵陳金順位史識開始，建立家己na來na深的歷史見識。
另外，柯柏榮嘛上台分享位2002年開始陳金順對伊的鼓勵佮影響，伊感謝陳金順對伊講，創作才是上重要的代誌，要寫出「擲地有聲」的作品，伊是按呢才開始拍拚寫台語詩的。閣，伊認為《一欉文學樹》予伊濟濟的啟示，雖罔內面的人物伊起先攏無啥bat，毋過，因為陳金順共寫出來，伊就開始去接觸，因為按呢伊嘛加認識真濟台灣的gâu人。伊最後講，《一欉文學樹》就是彼款「重甲假若予我捧袂起來」的「擲地有聲」的作品！
我最後佮逐家分享幾張活動相片，予逐家知影這場講座，豐富、成功！
陳金順詩集《一欉文學樹》出版
《一欉文學樹》是陳金順的第三本台語詩集，內面收錄40首台灣人物詩。本詩集是國藝會文學類創作補助的作品集。其中，一半以上的作品，bat得過各文學獎佮入選年度文學選集。2009年6月由台文戰線雜誌社出版。
本詩集定價新台票200箍，劃撥口座：19131748，戶名：陳金順。
意見
您必須是成員才能發表評論！
加入 台文戰線聯盟