後現代主義兮「羊」【信仰詩】

[王立信]

後現代主義兮「羊」

「家己」嗎是廐內兮羊
自足自利惦佇青翠草場
映望主人養飼阮多元兮嘴斗
水影自戀 清氣溪流

討食四界 摻攪合意鹹淡(chia)
亦閃匿亦欣羨祂 行作兮腳跡
生出順服來驚畏；
因為透世人沒慣勢權威
棰枴注入理性 游牧式感懷

嘖嘖嘖;後現代主義羊群心聲啊！
咁講 憂悶拍結嗎家己解破作「先生」
「我」兮身份欲按怎鋪排啊？
咁講「我」準做 「上帝」
連鞭爭戰墜落凡間兮天使。
咁講「我」隨扮「摩西」，
兼閣提「耶和華」所賜柺仔
雙手舉高高;
家己戰贏家己 兮角色矛盾。
閣想像佇十架項講 晟啦
赦免阮的靈魂彼位。

伊所作兮伊唔知！
「後現代」懷胎兮羊仔子
爲家己織即領時代精神 敗壞兮網紗......。
懟怹來講,
永遠活只是理性的選項。



註：讀2006年五月號教牧分享,一書主題：後現代牧養.有感而作。
閣想像現代人欣羨自由主義.人本思想充斥.各取所需兮養料滋養
家己心內兮枯乾，信仰「上帝」一辭.只是理性的選項，
想來著實可悲。孰不知感性.知性.理性﹝靈魂體﹞攏是上帝美好創造。

[唐 秉輝]

What a good lesson by reading this important poem, thank u so much for posting, and God bless u.

[宋澤萊]

這首詩我看無啥有，大概我無讀《讀2006年五月號教牧分享》這本冊e原因吧。
美國後現代主義理論家哈桑有講，後現代主義e宗教是展示「聖靈」e時代，
親像五旬節教派e興起道是一個真正呢明顯e現象，信仰有恢復夠初代教會
e現象，五旬節教派值底南美洲、中國、非洲攏真有貢獻，帶來真正e復興，
看來後現代時代對教會e發展應該是好e現象，嘸是歹e現象！
你講：「閣想像現代人欣羨自由主義.人本思想充斥.各取所需兮養料滋養
家己心內兮枯乾，信仰「上帝」一辭.只是理性的選項，想來著實可悲。」
應該是卡早現代人e情形，這時陣e後現代人可能已經嘸是安呢值底想，因為後現代
是「人e死亡」「主體e死亡」e時代，無一定是「人本主義」e時代矣！
失禮，我對現此時台灣e傳教情形無了解，麻煩你閣小可解釋予我聽，真感謝！

[王立信]

任何主義佇歷史進程分野.攏係概略段落性兮分割爾.係現象性閣短暫兮，無增差伊紛擾辨證過程.係人性本質兮問題.當然牽涉切入兮角度.好嫫存乎一心.不爾過若相對上帝看千年若一日.一日若千年來講.啥物是罪.檢采係無中「紅心」.沒符合伊創造本意兮期待爾爾啦。
末世是聖神運行作工兮時代.滯來普世救贖.等待耶穌閣來審判世間兮日子，這係上帝憐憫.非是人兮自覺奮進.因為救恩兮主權是上帝.免得人自誇.伊捌講：是我選汝.非爾選我矣。
其實教牧分享一書係即群唯牧養兮宗教觀點出發兮牧師.學者所提出懟後現代主義特質兮分析體檢而已.是小弟不才自我衍生淡薄批判.其中包括阮本身，無拍算煞引動先輩撓疑詢問.心內感謝閣抱歉，實在講.後現代主義茲支大旗阮係夯袂起矣.祇不過是感想人兮卑微閣自高「土粉」兮體質。上帝是創造兮主.嗎是歷史兮主.咱倘謙卑俯落夠伊面前敬拜敢毋是咧。