予宇宙結合完整的面容

[李秀]

位古老時代的烽煙熏火

位宇宙失去連絡的城國

電波飛龍盤踅天頂地面

超越過深山大海的阻礙

以數位來做速度

用網路聯絡四方

透過光絲的神力

溶去孤門的冰冷

予生命擴展上闊的空間

予人類扭近上短的時間

予消息位每个角勢出發

人情，世情，商情

佇這个世間項項傳情

用心，關心，愛心

佇這个世間處處連心

應該閣有一項要緊的建設

敢會當參另外一个世間

傳情，連心?

若無，世間欠缺一項誠重要的通信

若有，宇宙才會當結合完整的面容

• 註明：寄送予電信單位網路設計處，研究開發，造福陰、陽人群。